1 qyrkúıekten bastap Qytaıda mobıldik roýmıng tegin bolady
ASTANA. QazAqparat - 1 qyrkúıekten bastap Qytaı aýmaǵynda qalaaralyq qońyraýlarǵa qosymsha tólem jáne mobıldik baılanys roýmıngine tólem joıylady, dep habarlady Sınhýa.
Bul týraly beısenbide QHR úsh basty telekommýnıkatsııalyq operatorlary - China Mobile, China Telecom jáne China Unicom habarlady. Sońǵy jyldary China Telecom jelilik qyzmetterge tarıfterdi qosý jáne tómendetý jyldamdyǵyn arttyrý boıynsha jumys úderisin jedeldetýde. Sońǵy eki jyl ishinde keń jolaqty qoljetimdilik jelisine qosylý jyldamdyǵy 4,65 esege artty, bul rette qosylýǵa ortasha baǵalar 81 paıyzǵa azaıdy, budan basqa, mobıldik baılanys trafıgine ortasha baǵa 57,4 protsentke tómendedi.
1 qyrkúıekten bastap China Telecom kúlli el boıynsha qalaaralyq qońyraýlarǵa qosymsha tólemdi jáne el shegindegi mobıldik baılanys roýmıngine tólemdi joıady, bul 80 mln abonentke qatysty, dep atap ótti beısenbide Gýanchjoýda ashylǵan beıindi jármeńkede China Telecom kompanııasy bastyǵynyń tóraǵasy ıAn Tsze.
Sol kúni China Mobile men China Unicom qalaaralyq qońyraýlarǵa qosymsha tólemdi jáne Qytaı sheginde mobıldik baılanys roýmıngine tólemdi joıatynyn habaralady.
