1 qyrkúıekten bastap qaı óńirlerde elektr tarıfi qymbattaýy múmkin

NUR-SULTAN. QazAqparat – Ulttyq ekonomıka mınıstrligi Tabıǵı monopolııalardy retteý komıteti tóraǵasynyń mindetin atqarýshy Ashat Japsarbaı 1 qyrkúıekten bastap qaı óńirlerde elektr tarıfi ósýi múmkin ekenin atady, dep habarlaıdy QazAqparat tilshisi.

«Búginde Tabıǵı monopolııalar komıtetiniń aýmaqtyq departamentterinde jyl energııasyn óndirý, berý jáne jabdyqtaý, sýmen qamsyzdandyrý sııaqty retteletin qyzmet túrlerine tarıf kóterý týraly ótinimder jatyr. Bul tarıfterdi qazir Qostanaı, Soltústik Qazaqstan jáne Aqtóbe oblystarynda 2021 jyldyń 1 qyrkúıeginen bastap ózgertý qarastylyrylyp jatyr. Biraq biz halyqtyń qaltasyna túsetin salmaqty barynsha tejep, azaıtamyz. Halyq úshin tarıf kóterilmeıdi dep úmittenemiz», - dedi Ashat Japsarbaı ortalyq kommýnıkatsııalar qyzmetinde ótken brıfıngide.

Munyń aldynda komıtet basshysy 1 qyrkúıekten bastap birneshe óńirde tutynýshylar úshin elektr qýatynyń tarıfi qymbattaıtyn aıtqan bolatyn.

«Tarıf shamamen 1 qyrkúıekten bastap kóteriledi. Elektr óndirýshileri úshin tarıf 1 sáýirden bastap kóterilgen bolatyn. 1 shildede tarıfterdiń bir bóligin kóterdik. Baıandamada 7 paıyz dep aıtqanym osy bolatyn. 1 qyrkúıekten bastap tarıf kóterilip úlgermegen óńirlerde ózgeris bolady. Sonda respýblıka boıynsha orta eseppen 3,5 paıyz paıyz bolýy kerek», - degen Ashat Japsarbaı.