1 qyrkúıekten bastap elorda balabaqshalarynda vaýcherlik qarjylandyrý júıesi engiziledi
NUR-SULTAN. QazAqparat – Nur-Sultan qalasyndaǵy mektepke deıingi bilim berý mekemelerinde vaýcherlik qarjylandyrý júıesi engizilmek. Bul týraly qalalyq Bilim basqarmasynyń basshysy Shákárim Seısenbaı aıtty, dep habarlaıdy QazAqparat tilshisi.
«2021 jylǵy 1 qyrkúıekten bastap qarjylandyrýdyń jańa modelin tıimdi engizý maqsatynda Nur-sultan qalasy boıynsha mektepke deıingi balalar uıymdarynda 200 oryndyq memlekettik bilim berý tapsyrysyn vaýcherlik qarjylandyrýdyń pılottyq jobasyn synaqtan ótkizý júrgiziletin bolady», - dedi Sh. Seısenbaı qalalyq máslıhattyń jalpy otyrysynda jasaǵan baıandamasynda.
Onyń aıtýynsha, búgingi kúni elordada 52 307 balaǵa arnalǵan 419 mektepke deıingi bilim berý uıymy jumys isteıdi.
«Qazirgi ýaqytta elordada memlekettik – 100, jeke menshik – 272 (onyń ishinde 262-de memlekettik bilim berý tapsyrysy ornalastyrylǵan), shaǵyn ortalyqtar – 44, onyń ishinde 2 jeke menshik jáne 3 vedomstvolyq uıym jumys istep tur. Ótken jylmen salystyrǵanda bıyl bas qalada balabaqsha sany 42-ge ulǵaıdy», -deıdi ol.