1 qyrkúıekten bastap birneshe óńirde elektr tarıfi qymbattaıdy
NUR-SULTAN. QazAqparat – 1 qyrkúıekten bastap birneshe óńirde tutynýshylar úshin elektr qýatynyń tarıfi qymbattaıdy, dep habarlaıdy QazAqparat tilshisi.
«Jýyqta ǵana elektr qýatyn óndirýshi stansalar úshin tarıf qymbattatylatyn bolatyn. Saldarynan elektr qýatynyń tarıfi qymbattaýy múmkin be? Tutynshýylar úshin tarıf qalaı ózgerýi múmkin? Ortalyq kommýnıkatsııalar qyzmetinde ótken brıfıngide Tabıǵı monopolııalardy retteý komıteti tóraǵasynyń mindetin atqarýshysy Ashat Japsarbaıǵa osyndaı saýal qoıyldy.
«Shynymen de, Energetıka mınıstrligi elektr qýatyn óndirýshi uıymdar úshin tarıfti orta eseppen 15 paıyzǵa kótergen bolatyn. Qarapaıym elektr tutynýshylarǵa onyń áseri qandaı bolatynyna kelsek, qazir bul másele pysyqtalyp jatyr. Orta eseppen tarıf 7,2 paıyzǵa ósedi. ıAǵnı óńirler arasynda aıyrmashylyq bolady. Bul tarıfti kótergen kezde qarapaıym halyqqa áser etpeıtindeı etip ótkizýge tyrysamyz. ıAǵnı saralanǵan tarıf belgileımiz. Osynyń arqasynda qarapaıym halyqqa aýyr tımeıtindeı tarıf bekitiledi dep úmittenemiz», - dedi komıtet basshysy.
Onyń aıtýyna qaraǵanda, 1 qyrkúıekten bastap birneshe óńirde tarıf jospar boıynsha kóterilmek.
«Tarıf shamamen 1 qyrkúıekten bastap kóteriledi. Elektr óndirýshileri úshin tarıf 1 sáýirden bastap kóterilgen bolatyn. 1 shildede tarıfterdiń bir bóligin kóterdik. Baıandamada 7 paıyz dep aıtqanym osy bolatyn. 1 qyrkúıekten bastap tarıf kóterilip úlgermegen óńirlerde ózgeris bolady. Sonda respýblıka boıynsha orta eseppen 3,5 paıyz paıyz bolýy kerek», - dedi Ashat Japsarbaı.
