1 qyrkúıekte jalpy mekteptik jıynnyń ornyna synyp saǵattary ótedi

NUR-SULTAN. QazAqparat - Dástúrli Bilim kúnin ótkizý týraly ádistemelik usynystar bilim basqarmasyna jáne mektep dırektorlaryna jiberildi. Bul týraly Bilim mınıstri Ashat Aımaǵambetov aıtty, dep habarlaıdy QazAqparat.

Mınıstrdiń sózine qaraǵanda, merekelik sharalardyń eki formaty qarastyrylǵan. «Kezekshi synyptardyń» oqýshylary úshin muǵalimder kabınetterde synyp saǵattaryn ótkizedi. Al keıbir oqýshylar úshin «qashyqtan», ıaǵnı onlaın.

«Ádette qalaı bolýshy edi. 1 qyrkúıekte balalar mektepke kelýshá edi, saltanatty jalpy mekteptik jıyn bolyp, odan keıin balalar synyp saǵattaryn ótkizgen synyptarǵa baratyn. Bul jaǵdaıda osy formatta jalpy mektepishilik jıynnyń qajeti joq. Ár synypta synyp saǵattary bolady. Eger balalar kúndizgi bólimde oqıtyn bolsa, muǵalim balalarymen synyp saǵatyn jáne barlyq qajetti sharalardy ótkizedi. Al eger oqýshylar qashyqtan oqıtyn bolsa, onda 1 qyrkúıekte synyp saǵatyn ótkizý úshin mektepke kelýdiń arnaıy qajettiligi joq. Olar úshin barlyǵy qashyqtyqtan uıymdastyrylady»,- dep jaýap berdi mınıstr.