1 qyrkúıekte respýblıkalyq «Abaılańyz, balalar!» is-sharasy aýqymynda Astanada «Balalyqtyń qaýipsiz joldary» aktsııasy ótedi
ASTANA. 30 tamyz. QazAqparat - 2012 jylǵy 1 qyrkúıekte oqý jylynyń birinshi kúninde «Abaılańyz-balalar!» atty respýblıkalyq profılaktıkalyq is-sharasynyń sheńberinde Astana qalasynda, saǵat 15.00-de «Kerýen» SSO-da Jol polıtsııasy komıtetiniń qoldaý kórsetýimen
«Shell» v Kazahstane» kontserni «Balalyqtyń qaýipsiz joldary» atty aktsııa ótkizýdi josparlady. Bul týraly Qazaqstan Respýblıkasy ІІM Jol polıtsııasy komıtetiniń baspasóz qyzmeti habarlady.
Aktsııa baǵdarlamasynda joldarda qaýipsiz daǵdylardy nyǵaıtýǵa baǵyttalǵan teatrlandyrylǵan kórinister - Jol júrisi erejeleriniń eline saıahat, sondaı-aq vıktorınalar, konkýrstar, oıyndar kózdelgen.
Aktsııa barysynda árbir balaǵa syılyq - JQE-ǵa oqytý kompıýterlik oıyny, ata-analarǵa - «Balalyqtyń qaýipsiz joldary. Ata-analarǵa keńes» kitapshasy syıǵa beriledi.
Balalardń jol-kólik oqıǵalarynan jaraqattanýynyń aldyn alý maqsatynda jol polıtsııasy úkimettik emes uıymdarmen, azamattyq qoǵam ınstıtýttarymen birlesip, balalar men jasóspirimderdi qaýipsiz jol júrisi salasynda quqyqtyq oqytý, olardyń quqyqtyq mádenıetin arttyrýǵa baǵyttalǵan júıeli túrde jumys júrgizedi.
«Tájirıbe kórsetkendeı, kósheler men joldarda qaýipsiz daǵdylaryn qalyptastyratyn vıktorınalar, konkýrstar ótkizý arqyly aldyn alý jumysyn júrgizý JKO-ny eskertýde eleýli faktor bolyp tabylady. Bul oqý jylynyń basynda óte ózekti. Statıstıka boıynsha osy kezeńde oqýshylardyń qatysýymen bolatyn jol apattarynyń sany kúrt ósedi. Demalystan keıin oqýshylar kólik legine endi úırene bastaıdy»,- dep atap ótti Jol polıtsııasy komıteti tóraǵasynyń orynbasary Ermek Qusaıynov.
Osy oraıda, ІІM-niń Jol polıtsııasy komıteti men «Shell» v Kazahstane» kontserniniń balalar jol-kólik jaraqattanýynyń aldyn alýda tıimdi ózara is-qımyl jasasýynda alǵashqy tájirıbesi emes eken atap ótý qajet. Aǵymdaǵy jyldyń mamyr aıynda osyndaı aktsııa ótkizilgen, al maýsym aıynda kontsern 12-shi respýblıkalyq jas jol qozǵalysy ınspektorlarynyń sletine qoldaý kórsetken. Onda Qazaqstannyń óńirlik jarystarynyń jeńimpazdary men TMD komandalary - 180 bala qatysqan.
