1 qyrkúıekte keı óńirlerde úsik júredi
ASTANA. QazAqparat - Atmosferalyq aǵyndardyń ótýine baılanysty respýblıkanyń soltústik, ortalyq jáne shyǵys aımaqtarynda keı jerlerde jańbyr jaýyp, soltústikte onyń sońy qarǵa ulasýy múmkin, naızaǵaı jáne ekpindi jel saqtalady, kúndiz burshaq jaýýy múmkin, túnde jáne tańerteń keı jerlerde tuman kútiledi, ońtústikte shańdy daýyl bolady, dep habarlaıdy Qazgıdromet.
Qazaqstannyń batys jáne ońtústik óńirleriniń birshama bóliginde kún ashyq bolady.
Respýblıkanyń soltústik jáne soltústik-batysynda túnde keı jerlerde úsik kútiledi.
Qaraǵandy, Shyǵys Qazaqstan, Soltústik Qazaqstan oblystarynyń keı jerlerinde jel 15-20 m/s, naızaǵaı, túnde jáne tańerteń tuman túsedi, kúndiz burshaq jaýýy múmkin.
Qyzylorda oblysynda jeldiń jyldamdyǵy túnde keı jerlerde 15-20 m/s, al ekpini 23-28 m/s kúsheıip, shańdy daýylǵa ulasady. Túrkistan oblysynyń keı jerlerinde jel 15-20 m/s, kúndiz ekpini 23-28 m/s kúsheıip, shańdy daýyl turady.
Pavlodar, Qostanaı oblystarynyń keı jerlerinde naızaǵaı oınap, túnde jáne tańerteń keı jerlerde tuman, kúndiz jeldiń kúshi 15-20 m/s kútiledi.
Jambyl oblysynda keı jerlerinde jel 15-20 m/s kúsheıýi saqtalady.
Aqmola oblysynyń keı jerlerinde túnde jáne tańerteń tuman bolady.
Qyzylorda, Túrkistan, Jambyl oblystarynyń basym bóliginde, Aqtóbe, Atyraý, Mańǵystaý, Qaraǵandy oblystarynyń keı jerlerinde joǵary órt qaýpi saqtalady. Qostanaı, Aqmola, Soltústik Qazaqstan, Pavlodar oblystarynyń keı jerlerinde 3 gradýs úsik júrýi yqtımal.
