1 qyrkúıekte Qazaqstannyń basym aýmaǵynda jańbyr jaýyp, naızaǵaı oınaıdy, batysta aýa temperatýrasy tómendeıdi dep kútilýde - aýa raıy boljamy
ASTANA. 31 tamyz. QazAqparat - 1 qyrkúıekte Qazaqstannyń basym aýmaǵynda atmosferalyq aǵymdardyń ótýine baılanysty aýa raıy turaqsyz bolady dep kútilýde, dep habarlady Qazgıdrometke silteme jasaı otyryp TJM-niń baspasóz qyzmeti.
Eldiń basym aýmaǵynda keı jerlerde jańbyr jaýyp, jekelegen aýdandarda naızaǵaı oınap, jel kúsheıedi, respýblıkanyń batysynda aýa temperatýrasy tómendeıdi. Tek respýblıkanyń ońtústik, ońtústik-shyǵys jáne shyǵysynda aýa raıy jaýyn-shashynsyz bolady.
Jambyl, Qyzylorda, Mańǵystaý, Atyraý, Batys Qazaqstan, Aqtóbe, Soltústik Qazaqstan, kúndiz Ońtústik Qazaqstan, Aqmola, Qaraǵandy oblystarynda keı jerlerde 15-20 m/s jyldamdyqpen jel soǵady.
Qostanaı oblysynda jekelegen jerlerde 15-20 m/s jyldamdyqpen jel soǵyp, túnde jáne tańerteń tuman bolady.
Respýblıkanyń ońtústik, ońtústik-shyǵys, keı jerlerde batysy men soltústik-batysynda tótenshe joǵary órt qaýpi saqtalady.
Aldaǵy 3 táýlikte eldiń ońtústik, ońtústik-shyǵys jáne shyǵysyndaǵy taýly ózenderde sý deńgeıiniń aýytqýy baıqalady.
