1 qyrkúıekte elordada 12 myńǵa jýyq baldyrǵan mektep tabaldyryǵyn alǵash attaıdy
ASTANA. 5 tamyz. QazAqparat - Astanada jańa oqý jylynda 12 myńǵa jýyq bala birinshi synypqa barady.
Bul týraly astana.kz saıtyna qalalyq Bilim basqarmasynan habarlady.
«Bıyl 1 synypqa 12 myńǵa jýyq bala barady. Qazirgi ýaqytta 11 163 adamnan ótinish kelip tústi»,- dep habarlady astana.kz saıtyna vedomstvodan.
1 qyrkúıekte Astanada ornalasqan 82 mekteptiń bári esigin aıqara ashady. Onda 86 663 oqýshy bilim alady.
Qaladaǵy jalpy bilim berý ordalarynda 5609 pedagog qyzmet etedi.
Aıta keter jaıt, Qazaqstanda 1 qyrkúıekte 250 myńnan astam bala birinshi synypqa barady.
