1 qyrkúıekte eldiń soltústiginde kún kúrkirep, tuman túsedi, jel kúsheıedi
ASTANA. QazAqparat - Búgin Qazaqstannyń basym bóliginde kún ashyq bolady, eldiń soltústiginde, soltústik-batysynda ǵana atmosferalyq aǵyndardyń ótýimen aýa raıynyń turaqsyz sıpaty saqtalady. Bul týraly «Qazgıdromet» RMK habarlady.
«Keı jerlerde kún kúrkirep, ótkinshi jańbyr jaýady, jel kúsheıedi, túnde jáne tańerteń keı jerlerde tuman túsedi. Aqmola, Pavlodar oblystarynda keı jerlerde kún kúrkirep, jeldiń ekpini 15-20 m/s-qa deıin kúsheıedi. Qostanaı oblysynda keı jerlerde kún kúrkireıdi, jel 15-20 m/s-qa deıin kúsheıedi, túnde jáne tańerteń keı jerlerde tuman túsedi», - delingen habarlamada.
Soltústik Qazaqstan oblysynda keı jerlerde kún kúrkirep, túnde jáne tańerteń - tuman túsýi kútiledi.
Kúndiz Almaty, Jambyl, Shyǵys Qazaqstan oblystarynda, Qaraǵandy oblysynyń keı jerlerinde kúshti ystyq bolady. Respýblıkanyń ońtústiginde, batysynyń keı jerlerinde, soltústik-batysynda, soltústiginde, ońtústik-shyǵysynda, shyǵysynda jáne ortalyǵynda óte joǵary órt qaýpi saqtalady.
