1 qyrkúıekte Astana mektepterinde saltanatty jıyndar ótedi
ASTANA. 26 tamyz. QazAqparat - Bıyl 1 qyrkúıek - Halyqaralyq bilim kúni jeksenbi kúnine sáıkes keledi. Demalys kúnine qaramastan bul kúni Astananyń barlyq mektepterinde oqýshylar men muǵalimderdiń qatysýymen saltanatty jıyndar, merekelik is-sharalar uıymdastyrylady.
Merekelik is-sharalar qalanyń barlyq mektepterinde tańerteń saǵat 10.00 bastalady. Budan basqa, bul kúni mektepterde «Patrıotızm sabaqtary» ótkiziledi.
Qalalyq bilim basqarmasynyń astana.kz saıtyna habarlaýynsha, №64 mektep-lıtseıde ótetin saltanatty jıynǵa Qazaqstan Respýblıkasynyń Prezıdenti qatysady.
Sondaı-aq 1 qyrkúıekte elordada jaratylystaný-matematıka baǵytyndaǵy jańa mektep ashylady. №71 mektep-lıtseı salynyp jatqan «Batyǵaı» turǵyn úı kesheninde «Jaǵalaý» shaǵyn aýdanynda ornalasqan. Ǵımarattyń jalpy aýdany - 12 700 sharshy metr, 4 ga aýmaqty alyp jatyr.
Jalpy, jańa oqý jylynda Astanada 12 myńǵa jýyq baldyrǵan mektep tabaldyryǵyn alǵash attaıdy. Bilim basqarmasynyń málimetterine sáıkes, Astanada 82 mektep, sonyń ishinde 70 memlekettik, 12 jeke menshikti mektep jumys isteıdi, onda 86 663 oqýshy bilim alady. Elordanyń jalpy bilim berý mekemelerinde 5609 pedagog qyzmet etedi.
