1 qyrkúıekte Aqmola oblysynda 5 jańa mektep paıdalanýǵa berildi

Bilim kúni tartý retinde Şýche qalasynda 910 oryndyq qazaq mektep-lıtseıi esigin aıqara ashsa, Ereımentaý qalasynda 200 oryndyq orta mektep, Eńbekshilder aýdanynyń Maqpal aýylynda 80 oryndyq mektep, Tselınograd aýdanynyń Taıtóbe aýylynda 300 oryndyq orta mektep jáne Preobrajenka aýylynda 40 balaǵa arnalǵan bastaýysh mektep paıdalanýǵa berildi.

Sondaı-aq, jaqynda Aqkól qalasynda qalpyna keltirilgen balalar úıi men Kókshetaý qalasynyń «Kóktem» shaǵyn aýdanyndaǵy jańa balabaqshanyń tusaýy kesildi. Oǵan qosa, osy jyldyń qazan aıynda Tselınograd aýdanynyń 96 razezinde salynyp jatqan jańa mektep pen oblys ortalyǵynyń irgesindegi Stantsıonnyı kentinde qurylysy qolǵa alynǵan jańa balabaqshany da tapsyrý kózdelgen.

Eske sala keteıik, oblystyq bilim basqarmasynyń deregine súıensek, qazirgi kezde, Aqmola oblysynda 599 mektep, 579 balabaqsha, 38 kolledj, 4 joǵary oqý orny jumys isteıdi. Onda 112,5 myń  oqýshy men 26,7  myń stýdent bilim alýda. Oblysta 36,7 myńǵa jýyq bala mektepke deıingi bilim alýda.  Bıylǵy oqý jyly oblys boıynsha barlyǵy 14882 bala mektep tabaldyryǵyn attady.