1 qyrkúıekte 61 mektep pen 14 balabaqsha paıdalanýǵa beriledi - Bilim jáne ǵylym mınıstri
ASTANA. 14 tamyz. QazAqparat -1 qyrkúıekte memlekettik bıýdjet esebinen 61 mektep pen 14 balabaqsha paıdalanýǵa beriledi. Bul týraly búgin Úkimette ótken selektorlyq keńeste QR Bilim jáne ǵylym mınıstri Baqytjan Jumaǵulov málim etti.
«Jalpy jyl sońyna deıin 59,4 oqýshyǵa arnalǵan 146 mektep, 32 balabaqsha, 1 kásiptik lıtseı paıdalanýǵa berilmekshi. Bundaı qarqyndy qurylys buryn-sońdy bolmaǵan», - dedi Bilim mınıstri.
Sonymen qatar, «100 mektep, 100 aýrýhana» baǵdarlamasyna toqtalǵan vedomstvo basshysy, bul baǵytta mindettemeler tolyq aıaqtalatynyn málim etti. Onyń aıtýynsha, atalǵan baǵdarlama boıynsha eń sońǵy nysan Astana qalasy mańyndaǵy Ilınka eldi mekeninde beriledi. 1200 oqýshyǵa arnalǵan mekteptiń resmı ashylý saltanaty 30 tamyzǵa josparlanyp otyr.
