1 qyrkúıekke deıin jemqorlyqqa qarsy reformalar toptamasy daıyndalady

NUR-SULTAN. QazAqparat - Sybaılas jemqorlyqqa qarsy júıeli jumys júrgizemiz. Bul týraly Táýelsizdik saraıyndaǵy ulyqtaý rásiminde Qazaqstan Prezıdenti Qasym-Jomart Toqaev málim etti, dep habarlaıdy QazAqparat tilshisi.

Sybaılas jemqorlyqty joıý máselesine toqtalǵan Prezıdent, «1 qyrkúıekke deıin jemqorlyqtyń deńgeıin meılinshe tómendetýge baǵyttalǵan reformalar toptamasy daıyndalady. Jemqorlyq - memlekettiń damýyn tejeıtin kesel", - dep erekshe atap ótti.

"Bul qoǵamdaǵy ózara senimge, jalpy memleketimizdiń qaýipsizdigine qater tóndiretin qubylys. Sybaılas jemqorlyqqa qarsy júıeli jumys júrgizemiz», - dedi Memleket basshysy.