1 qyrkúıekke deıin Astanadaǵy barlyq 84 mektep robot-tehnıka kabınetimen qamtylady
«Nur Otan» partııasynyń Astana qalalyq partııasy qolǵa alǵan jobalardyń ekinshi toby jańa formatsııany qurýmen baılanysty bolady. Birqatar kreatıvti jobalar júzege asyrylyp jatyr. Ózderińiz biletindeı, baǵdarlamalaý fakýltatıvti túrde 7 synyptan bastalady. Bıyl biz bir mektepte pılottyq alǵashqy oqý jylyn aıaqtadyq: kompıýterlik saýattylyq - baǵdarlamaý negizderi ol mektepte birinshi synyptan bastaldy. Nátıje barshylyq. Biz balalardyń qyzyǵýshylyǵyn kórip otyrmyz. Bıyl osy baǵytty 35 mektepte bastaýdy kózdeımiz», - dedi qala ákimi Astanada Nursultan Nazarbaevtyń qatysýymen ótip jatqan «Nur Otan» partııasy Saıası keńesiniń keńeıtilgen otyrysynda.
Ákimniń aıtýynsha, birinshi synyptan bastap oqytý ІT-jobalarǵa, tanymdyq kompıýterlik oıyndar men qazaq tilindegi mýltfılmderge degen balalardyń úlken qyzyǵýshylyǵy baryn kórsetip bergen.
«1 qyrkúıekke deıin biz barlyq mektepterdi kompıýtermen tolyq jasaqtaıtyn bolamyz. Árbir kabınetke wi-fi tartylyp, barlyq 84 memlekettik mektep 100 paıyz robototehnıka kabınetterimen qamtamasyz etiledi. 15 mektepte stem-zerthana ashylady. Osy jobalardyń barlyǵy «Rýhanı jańǵyrý» baǵdarlamasy aıasynda bıznesmenderdiń qoldaýymen júzege asyrylyp jatyr. Sonymen birge, biz Fınlıandııa, Koreıa, Sıngapýr tájirıbesi boıynsha komıýnıtı-ortalyǵyn nemese bilim ortalyqtaryn ashyp jatyrmyz. Olar 13 mekteptiń jáne 17 qalalyq kitaphananyń bazasynda ashylady», - dedi
Eske sala ketsek, Astanada búgin Qazaqstan Prezıdenti Nursultan Nazarbaevtyń qatysýymen «Nur Otan» partııasy Saıası keńesiniń keńeıtilgen otyrysy ótip jatyr. Shara barysynda «Nur Otan» partııasyn júıeli túrde jańǵyrtý boıynsha jumys barysy talqylanyp, Qazaqstan Prezıdentiniń bes áleýmettik bastamasyn júzege asyrý baǵytynda qoǵamdyq baqylaýdy uıymdastyrý máseleleri qaralýda.
