1 qyrkúıek. Týǵan kún ıeleri
ESІMDER
70 jyl buryn (1948) «Ardagerler uıymy» Respýblıkalyq qoǵamdyq birlestiginiń jetekshisi, tehnıka ǵylymynyń doktory, QR Mıneraldyq resýrstar akademııasynyń, Halyqaralyq mıneraldyq resýrstar akademııasynyń korrespondent múshesi, Qazaqstan Respýblıkasy Injenerlik akademııasynyń akademıgi ІZMUHAMBETOV Baqtyqoja Salahıtdınuly dúnıege keldi.
Atyraý oblysynda týǵan. Ýfa munaı ınstıtýtyn bitirgen. 1973-1983 jyldary - «Qazmunaıgazbarlaý» basqarmasynyń aǵa ınjeneri, tehnıkalyq mólsherleý jáne eńbekti ǵylymı uıymdastyrý otrıadynyń bastyǵy, zerthana meńgerýshisi, bólim meńgerýshisi, Qazaq geologııalyq barlaý ǵylymı-zertteý ınstıtýty dırektorynyń orynbasary. 1983-1987 jyldary - Keńes Odaǵynyń Iemendegi munaı barlaý ekspedıtsııasynyń aǵa ınjeneri. 1987-1991 jyldary - Qazaq geologııalyq barlaý ǵylymı-zertteý ınstıtýtynyń zerthana meńgerýshisi, Atyraý tájirıbelik-ádistemelik ekspedıtsııasynyń bas tehnology, bastyǵy. 1991-1993 jyldary - Qazaqstan Respýblıkasy Geologııa jáne jer qoınaýyn qorǵaý mınıstrligi tereń uńǵymalardy ıgerý jáne burǵylaý tehnologııalary bóliminiń bastyǵy, Munaı jáne gaz basqarmasynyń bastyǵy. 1993-2003 jyldary - «QazaqTúrikMunaı» jaýapkershiligi shekteýli seriktestigi birikken kásiporynynyń bas dırektory, «QazMunaıGaz» ulttyq kompanııasy» jabyq aktsıonerlik qoǵamynyń teńiz jobalary jónindegi atqarýshy dırektory, «Qazmunaıteńiz» teńiz munaı kompanııasy» jabyq aktsıonerlik qoǵamynyń bas dırektory, «QazMunaıGaz» ulttyq kompanııasy» jabyq aktsıonerlik qoǵamynyń birikken kásiporyn úlesterin basqarý jónindegi basqarýshy dırektory. 2003-2007 jyldary Qazaqstan Respýblıkasy Energetıka jáne mıneraldy resýrstar birinshi vıtse-mınıstri, mınıstri qyzmetterin atqarǵan. 2007 jylǵy tamyzdan 2012 jylǵy qańtarǵa deıin Batys Qazaqstan oblysynyń ákimi. 2012 jylǵy qańtardan tamyz aıyna deıin QR Parlamenti Májilisi tóraǵasynyń orynbasary. Keıinnen Atyraý oblysynyń ákimi, QR Parlamenti Májilisi tóraǵasy qyzmetterin atqardy.
«Qurmet» ordenimen marapattalǵan.
58 jyl buryn (1960) Qazaqstan Respýblıkasy Parlamenti Májilisiniń depýtaty, ekonomıka ǵylymdarynyń kandıdaty RAÝ Albert Pavlovıch dúnıege keldi.
Qostanaı oblysynyń Taranov aýdanynda týǵan. Rýdnyı ındýstrııa ınstıtýtyn, RF Prezıdenti janyndaǵy Reseı memlekettik qyzmet akademııasyn bitirgen.
1992-1993 jyldary - Lısakov qalalyq keńesiniń tóraǵasy. 1993-1994 jyldary - Lısakov qalalyq ákimshiligi basshysynyń orynbasary. 1994-2004 jyldary - Lısakov qalalyq ákimshiliginiń basshysy, ákimi. 2004-2006 jyldary - Qostanaı oblysy ákiminiń orynbasary. 2006-2007 jyldary - «Saryarqa» ÁKK dırektorlar keńesiniń tóraǵasy. 2008-2010 jyldary Aqmola oblysynyń ákimi qyzmetterin atqarǵan. 2010-2014 jyldary - QR Indýstrııa jáne jańa tehnologııalar mınıstrliginiń birinshi vıtse-mınıstri. 2014-2016 jyldary - QR Investıtsııalar jáne damý mınıstriniń orynbasary. 2016-2017 jyldary - QR Investıtsııalar jáne damý birinshi vıtse-mınıstri. Qazirgi qyzmetinde - 2017 jyldyń naýryzynan. 2-dárejeli «Dostyq» ordenimen marapattalǵan.
2017 jylǵy naýryz aıynan beri qazirgi qyzmetinde.
57 jyl buryn (1961) Mańǵystaý oblysy ákiminiń apparat basshysy YRZAHANOV Asqar Kıikbaıuly dúnıege keldi.
Atyraý oblysynda týǵan. Bilimi joǵary. Qazaq polıtehnıkalyq ınstıtýtyn (Almaty) ınjener-mehanık mamandyǵy jáne Ortalyq Azııa ýnıversıtetin zańger mamandyǵy boıynsha bitirgen.
Eńbek jolyn 1978 jyly Fort-Shevchenko qalasyndaǵy «Mańǵyshlaq balyq flot» basqarmasynda mashınıst kómekshisi bolyp bastaǵan.
1984 jyldan 1987 jylǵa deıin Mańǵyshlaq barlaý burǵylaý basqarmasynda dızelshi, komsomol komıtetiniń hatshysy bolǵan.
1987 jyldan 1991 jylǵa deıin Qazaqstan LKJO-nyń Munaıly aýdandyq komıtetiniń, odan keıin Embi aýdandyq komıtetiniń birinshi hatshysy, Mańǵystaý oblystyq komıtetiniń birinshi hatshysy bolyp jumys istegen.
1991-2009 jyldary - Mańǵystaý oblystyq jastar isi jónindegi komıtetiniń tóraǵasy, Mańǵystaý oblystyq jastar isteri, týrızm jáne sport basqarmasy tóraǵasynyń orynbasary, Mańǵystaý aımaqtyq baǵa jáne monopolııaǵa qarsy saıasat komıteti tóraǵasynyń orynbasary, Mańǵystaý oblystyq aqparat jáne qoǵamdyq kelisim basqarmasynyń bastyǵy, Mańǵystaý oblystyq ishki saıasat basqarmasynyń bastyǵy, «Nur Otan» HDP Mańǵystaý oblystyq fılıaly tóraǵasynyń birinshi orynbasary.
2009 - 2013 jyldary «Mańǵystaýmunaıgaz» AQ bas dırektorynyń áleýmettik jáne ákimshilik máseleler boıynsha orynbasary, «Ózenmunaıgaz» AQ bas dırektorynyń áleýmettik máseleler jónindegi orynbasary, odan keıin «Ózenmunaıgaz» AQ-nyń bas dırektory bolyp qyzmet etken.
Qazirgi laýazymynda 2013 jyldan bastap eńbek etedi.
53 jyl buryn (1965) Monako knıazdyǵynyń Qazaqstandaǵy qurmetti konsýly, «Qaırat» mını-fýtbol klýbynyń prezıdenti ORAZBEKOV Qaırat Aıtmoldauly dúnıege keldi.
Almaty oblysynda týǵan. Qazaq aýylsharýashylyq ınstıtýtyn óndiris avtomatızatsııasy boıynsha ınjener-mehanık (1989); Abaı atyndaǵy Almaty memlekettik ýnıversıtetin (1997); SBS Shveıtsarııa bıznes mektebin «Bıznes ákimshiligi magıstri» (Shveıtsarııa) jáne Halyqaralyq bıznes akademııasyn (2010) bitirgen.
41 jyl buryn (1977) QR Bilim jáne ǵylym mınıstrliginiń «Qarjy ortalyǵy» AQ vıtse-prezıdenti MURATBAEVA Sholpan Ánýarbekqyzy dúnıege keldi.
Ol Taraz qalasynda týǵan. 1999 jyly M.H.Dýlatı atyndaǵy Taraz memlekettik ýnıversıtetiniń ekonomıka fakýltetin, 2002 jyly Q.A.ıAssaýı atyndaǵy Halyqaralyq qazaq-túrik ýnıversıtetiniń hań fakýltetin támamdaǵan. 2002-2009 jyldary Qazaqstan Respýblıkasy tabıǵı monopolııalardy retteý agenttigi Zańnamany, ákimshilik tájirıbe men talap jumystary basqarmasynyń bastyǵy, zań departamentiniń bas mamany, 2010 jyly QR Qarjy mınıstrligi Bıýdjettik saıasat jáne josparlaý basqarmasynyń bastyǵy bolǵan. 2010-2017 jyldary «Nazarbaev Zııatkerlik mektepteri» DBU basqarma tóraǵasynyń orynbasary.
Qazirgi qyzmetinde - 2017 jyldyń shilde aıynan beri.