1 qyrkúıek kúni respýblıkanyń barlyq mektepterinde «Densaýlyq sabaǵy» ótedi
TANA. 27 tamyz. QazAqparat - Mektep oqýshylary arasynda salaýatty ómir saltyn nasıhattaý úshin QR Densaýlyq saqtaý mınıstrligi Bilim jáne ǵylymı mınıstrligimen, Týrızm jáne sport mınıstrligimen, oblystardyń, Astana men Almaty qalalarynyń ákimdikterimen birlesip, respýblıkanyń barlyq mektepterinde 1 qyrkúıek kúni «Densaýlyq sabaǵyn» ótkizedi,
ol balalarǵa arnalǵan naǵyz densaýlyq merekesi bolmaq, dep habarlady QR Densaýlyq saqtaý mınıstrliginiń baspasóz qyzmeti.
Qazaqstan táýelsizdiginiń 20 jyldyǵy jylynda «Densaýlyq sabaǵy - 2011» basty taqyryby retinde salaýatty ómir salty mádenıetiniń túrli aspektileri qaralady: belsendi dene qımyly, sportpen aınalysý, durys tamaqtaný, zııandy ádetterge qarsy tura bilý, turmysta jáne jolda júrgende qaýipsiz minez-qulyqtyń bolýy.
Onyń maqsaty - óskeleń urpaq arasynda salaýatty ómir salty mádenıetin nasıhattaý men qalyptastyrý, óskeleń urpaqty deneshynyqtyrýmen jáne sportpen aınalysýǵa jumyldyrý.
«Densaýlyǵyńdy kútýge daǵdylan!» uranymen ótetin oqýshylardyń árqaısysyn kúndelikti belsendi bolýǵa, salaýatty ómir saltyn ustanýǵa, zııandy ádetterge qarsy tura bilýge, salaýatty ómir saltynyń daǵdylaryn ıgerýge shaqyrý. Bul aktsııa mektep oqýshylarynyń barlyǵyna salaýatty ómir salty aspektileri boıynsha kóbirek aqparat alýǵa múmkindik beredi.
