1 qyrkúıek kúni Qaraǵandy oblysynda eki jańa mektep ashyldy
QARAǴANDY. QazAqparat - 1 qyrkúıek kúni Qaraǵandy oblysy Abaı jáne Jańaarqa aýdandarynda eki jańa mektep ashyldy. Oblys ákiminiń baspasóz qyzmeti habarlaǵandaı, óńir basshysy Nurmuhambet Ábdibekov Abaı aýdany Qurma aýylyndaǵy jańa mekteptiń ashylý rásimine qatysty.
«Búgin biz zamanaýı kabınetteri bar, aýqymdy akt zaly bar, jaıly ashanasy bar jańa oqý ǵımaratyn ashqaly turmyz. Munyń bári sender úshin jasaldy, balalar! Ásirese, Qazaqstan Táýelsizdiginiń 25 jyldyq, Qaraǵandy oblysynyń 80 jyldyq mereıtoıy qarsańynda ashylýynyń ózi aıtýǵa turarlyq», - dep N.Ábdibekov aýyl oqýshylaryn Bilim kúnimen quttyqtady.
Mektep jetekshiligine oblys ákimi robotehnıka kabınetin jabdyqtaýǵa arnalǵan sertıfıkat tabystady.
320 oryndyq Qurma mektebi 2016-2019 jyldarǵa arnalǵan QR bilim berýdi damytý memlekettik baǵdarlamasy boıynsha salyndy. Ol úshin respýblıkalyq bıýdjetten 823,3 mıllıon teńge bólindi. Munda sheberhana, mýltımedıa, lıngafon kabınetteri, akt zaly, sport jáne oqý zaldary, kitaphana men ashana bar. Avtonomdy jylý júıesi bar.
Jańa oqý jylynda mektep 237 oqýshy qabyldady, onyń 145-i qazaq tilinde, 92-si orys tilinde bilim alady. 43 ustaz jumysqa qabyldandy.
Jańaarqa aýdanynyń M.Jumajanov aýyldyq okrýginde de 150 oryndyq jańa mektep ashyldy, dep habarlady aýdandyq ákimdik.
Qaraǵandy oblysynda 523 mektep jumys isteıdi, onda 183 myńnan astam oqýshy biilm alady. Bıyl 23 myńnan astam bala mektep tabaldyryǵyn attady.
