1 qyrkúıekten bastap bıologııalyq belsendi qospalardy tańbalaý qansha turady
ASTANA. KAZINFORM — Densaýlyq saqtaý mınıstriniń 2026 jylǵy 10 shildedegi buıryǵymen bıologııalyq belsendi qospalardy (BBQ) tańbalaýda qoldanylatyn baqylaý (sáıkestendirý) belgisi men sáıkestendirý quralynyń shekti quny belgilendi.
Qujatqa sáıkes, bir tańbalaý kodynyń eń joǵary quny QQS-syz 2,68 teńge bolady.
Buıryq 2026 jylǵy 1 qyrkúıekten bastap kúshine enedi.
Buǵan deıin bıologııalyq belsendi qospalardy mindetti tsıfrlyq tańbalaý qaǵıdalarynyń jobasy ázirlengen edi.
Bul júıeni engizý:
- zańsyz aınalym kólemin azaıtýǵa;
- salyq túsimderin arttyrýǵa;
- naryqtaǵy barlyq qatysýshy úshin teń básekelestik jaǵdaı jasaýǵa múmkindik beredi.
Qazaqstanda bıologııalyq belsendi qospalardy mindetti tsıfrlyq tańbalaý 2026 jylǵy 1 qyrkúıekten bastap engiziledi dep josparlanyp otyr.
Aıta keteıik, elimizde medıtsınalyq qyzmetter jarnamasyna talap qatańdaıdy.
