1 qyrkúıekte Qazaq AI Research University iske qosylady — Jaslan Mádıev
ASTANA. KAZINFORM — Premer-mınıstrdiń orynbasary — jasandy ıntellekt jáne tsıfrlyq damý mınıstri Jaslan Mádıev ekonomıkanyń salalary men memlekettik basqarý júıesin tsıfrlandyrý boıynsha júrgizilip jatqan jumystardy baıandady.
Memleket basshysy jasandy ıntellekt pen tsıfrlyq transformatsııany Qazaqstan damýynyń negizgi basym baǵyttarynyń biri retinde aıqyndaǵan edi.
— Sońǵy alty aıda biz Qazaqstannyń tsıfrlyq bolashaǵy úshin retteýshi jəne ınstıtýtsıonaldyq negizdi jedel qalyptastyrdyq. Qazaqstan azamattary jańa Konstıtýtsııany qabyldady. Onda azamattardyń tsıfrlyq quqyqtary, sonyń ishinde derbes derekterdi qorǵaý quqyǵy bekitildi. Konstıtýtsııalyq deńgeıde Alatau City-diń erekshe mərtebesi aıqyndaldy. «Tsıfrlyq kodeks», «Jasandy ıntellekt týraly» zań, «Tsıfrlyq aktıvter týraly» zań, «Kıberqaýipsizdik týraly» zań, sondaı-aq telekommýnıkatsııalar naryǵyn jəne derekterdi óńdeý ortalyqtaryn damytýǵa qatysty zań qabyldandy, — dedi J. Mádıev búgingi Úkimet otyrysynda.
Bıyl 9 maýsymda Memleket basshysy 2029 jylǵa deıingi jalpyulttyq Digital Qazaqstan strategııasyn bekitti. Bul — ekonomıka salalarynda jəne memlekettik basqarýda tsıfrlyq transformatsııa men jasandy ıntellektini keń kólemde engizýge arnalǵan keshendi qujat.
Ótken jyly óńirde alǵashqy sýperkompıýterlik klasterler iske qosyldy. Olar əlemdegi eń qýatty sýperkompıýterlerdiń TOP500 reıtıngine endi. Búginde sol qýatty startaptar, ýnıversıtetter, ǵylymı-zertteý ınstıtýttary, memlekettik organdar men kompanııalar paıdalanýda.
— Bıyl biz əlemdik deńgeıdegi Data-tsentrler alqabyn salýdy bastadyq. Jobanyń maqsatty qýaty keminde 1 gıgavatt bolady. Negizgi artyqshylyqtary — qoljetimdi elektr energııasy jəne derekterdi joǵary jyldamdyqpen jetkizý. Qazirdiń ózinde sheteldik iri kompanııalarmen birlese otyryp jalpy qýaty keminde 250 bolatyn 2 fazada jasandy ıntellekt data-tsentrlerin iske qosý boıynsha jumystar bastaldy. 13 maýsymda NVIDIA qoldaýymen Firebird AI kompanııasymen 10 mıllıard AQSh dollary kóleminde kelisimge qol qoıdyq, — dep tolyqtyrdy mınıstr.
Baılanys tsıfrlyq transformatsııanyń bazalyq sharty bolyp qala beredi. 2028 jylǵa qaraı aýyldardyń 92%-y joǵary jyldamdyqty ınternetpen qamtylady. Jıyrma iri qalada 5G jelisi damytylýda. Uzyndyǵy 4 myń shaqyrymnan asatyn talshyqty-optıkalyq gıpermagıstral qurylysy jalǵasýda.
40 myń shaqyrym respýblıkalyq jəne oblystyq mańyzy bar jol baılanyspen qamtamasyz etiledi. Spýtnıktik ınternet arqyly el aýmaǵy tolyq qamtylýda.
— Biz óz mamandarymyzdy daıarlaýdyń úzdiksiz traektorııasyn qalyptastyrdyq. Mysaly, TUMO — 12 men 18 jas aralyǵyndaǵy balalarǵa arnalǵan kreatıvti tehnologııalar ortalyǵy. Tomorrow School bolsa eresekterge arnalǵan. Ol praktıkalyq jasandy ıntellekt mamandaryn daıarlaýǵa baǵyttalǵan. Kelesi kezeń — bıyl 1 qyrkúıekte Qazaqstandyq jasandy ıntellekt zertteý ýnıversıteti — Qazaq AI Research University iske qosý, — dedi Jaslan Mádıev.
Aıta keteıik, búgin jańa Konstıtýtsııa kúshine endi. Jalpyhalyqtyq referendým nátıjesinde qabyldanǵan tarıhı qujat memlekettik basqarý júıesin, qoǵamnyń damý baǵytyn túbegeıli ózgertpek.
Prezıdent qazaqstandyqtardy Jańa Konstıtýtsııanyń kúshine enýimen quttyqtady.
Sondaı-aq Premer-Mınıstr Oljas Bektenov barlyq memlekettik jáne qoǵamdyq ınstıtýttardy túbegeıli jańǵyrtý bastalǵanyn aıtqan edi.
