1 qyrkúıekte el mektepteri men kolledjderinde býllıngke qarsy joba iske qosylady

ASTANA. KAZINFORM – 2025 jyldyń 1 qyrkúıeginen bastap «DOSBOLLiKe» býllıngke qarsy jobasy elimizdiń barlyq mektebi men kolledjine engiziledi. Bul týraly QR Oqý-aǵartý vıtse-mınıstri Edil Ospan aıtyp berdi.

бьуллинг
Фото: Kazinform; DALL-E; Freepik

Vıtse-mınıstrdiń aıtýynsha, emotsıonaldy ál-aýqatty nyǵaıtý úshin 2022 jyly jábirleý (býllıng) uǵymy zańnamalyq túrde bekitilgen.

− Qazir býllıngke qarsy «KiVa» fın baǵdarlamasy 110 mektepte pılottyq túrde júzege asyrylyp jatyr. Otandyq «DOSBOLLiKe» býllıngke qarsy bastamasy ázirlendi, qazir pılottyq joba 50 mektepte uıymdastyrylyp jatyr. 2025 jyldyń 1 qyrkúıeginen bastap jobany elimizdiń barlyq mektebi men kolledjine engizý josparlanyp otyr, − dedi E.Ospan Ortalyq kommýnıkatsııalar qyzmetinde ótken baspasóz máslıhatynda.

Sonymen birge, mektepterdegi jábirleý áreketteri úshin balalardyń ata-analaryna ákimshilik jaýapkershilik kúsheıtildi.

Mektepterdegi psıhologııalyq qyzmetter men mektepishilik esepke alýdyń biryńǵaı qaǵıdalary qabyldandy. Búgingi tańda esepke alynǵan balalardyń 82%-y qosymsha bilimmen qamtylǵan.

Zardap shekken balalarǵa jedel kómek kórsetýge múmkindik beretin vedomstvoaralyq jedel áreket etý algorıtmderi engizilgen. Sondaı-aq ótken jyly balalardyń quqyqtaryn qorǵaý salasynda 6 negizgi zań qabyldandy. Atap aıtqanda, balaǵa qatysty kez kelgen zorlyq-zombylyq úshin jaýapkershilik kúsheıdi. Balany qoǵamdyq kólikten májbúrlep túsirýge tyıym salynyp, oǵan ákimshilik jaýapkershilik kózdeldi. Qurylys kompanııalaryn terezelerge qulyptar nemese qaýipsizdik tetikterin ornatýǵa mindetteıtin normalar engizildi. Bala saýdasynyń aldyn alý sharalary qabyldandy.

Bala quqyqtary jónindegi ýákil ınstıtýtynyń mártebesi nyǵaıtyldy – eldiń árbir óńirinde onyń ókilderi taǵaıyndaldy. Qamqorshylyq jáne qorǵanshylyq organdary mamandarynyń shtat normatıvi belgilendi. Tálimgerlik ınstıtýty engizilip, jetim balalar eresek tálimgerlerdiń qoldaýyn alady.

Aıta keteıik, ShQO-da balalardy býllıngten qorǵaý úshin arnaıy chat-bot iske qosyldy.

Сейчас читают