1 qyrkúıekte avtokólikti zańsyz ákelýge qarsy jańa sharalar kúshine enedi
ASTANA. KAZINFORM — Premer-mınıstr Oljas Bektenov 10 kún ishinde elge avtokólikterdi zańsyz ákelýdiń jolyn kesýge baǵyttalǵan keshendi sharalar ázirleýdi tapsyrdy. Jańa talaptar 2026 jylǵy 1 qyrkúıekten bastap qoldanysqa engiziledi.
Premer-mınıstr elimizdiń aýmaǵyna kólik quraldaryn zańsyz ákelý faktileri áli de tirkelip jatqanyn atap ótti. Mundaı kólikterdiń basym bóligi tehnıkalyq jáne ekologııalyq talaptarǵa saı kelmeıdi.
— Bul, sonyń ishinde kedendik zańnama normalaryn quqyqtyq qoldaný tájirıbesindegi olqylyqtarǵa da baılanysty. Qarjy mınıstrligi Ónerkásip mınıstrligimen birge on kún ishinde avtokólikterdiń el aýmaǵyna zańsyz ákelinýine jol bermeý jóninde sharalar keshenin ázirlesin. Qoldanystaǵy zańnamalyq normalardy túsindirý barysynda naqty ári aıqyn ustanym bolýǵa tıis, — dedi Oljas Bektenov.
Kedendik ákimshilendirý men tehnıkalyq retteý salasyndaǵy tıisti tásilder osy jyldyń 1 qyrkúıeginen bastap qoldanysqa engizilýge tıis.
Aıta keteıik, bıyl elimizde 190 myń avtokólik shyǵarylady.
Qazaqstannyń 19 oqý ornynda avtoónerkásip mamandary daıarlanyp jatyr.
