1 qyrkúıek. Kazinform kúntizbesi. Tulǵalar týǵan kún
Búgin, 1 qyrkúıek kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
ESІMDER
Baqtyqoja ІZMUHAMBETOV, memleket jáne saıasat qaıratkeri
1948 jyly Atyraý oblysynda týǵan.
Ýfa munaı ınstıtýtyn bitirgen. Tehnıka ǵylymynyń doktory, QR Mıneraldyq resýrstar akademııasynyń, Halyqaralyq mıneraldyq resýrstar akademııasynyń korrespondent múshesi, Qazaqstan Respýblıkasy Injenerlik akademııasynyń akademıgi.
Eńbek joly: 1973-1983 jyldary «Qazmunaıgazbarlaý» basqarmasynyń aǵa ınjeneri, tehnıkalyq mólsherleý jáne eńbekti ǵylymı uıymdastyrý otrıadynyń bastyǵy, zerthana meńgerýshisi, bólim meńgerýshisi, Qazaq geologııalyq barlaý ǵylymı-zertteý ınstıtýty dırektorynyń orynbasary, 1983-1987 jyldary Sovet Odaǵynyń Iemendegi munaı barlaý ekspedıtsııasynyń aǵa ınjeneri, 1987-1991 jyldary Qazaq geologııalyq barlaý ǵylymı-zertteý ınstıtýtynyń zerthana meńgerýshisi, Atyraý tájirıbelik-ádistemelik ekspedıtsııasynyń bas tehnology, bastyǵy, 1991-1993 jyldary QR Geologııa jáne jer qoınaýyn qorǵaý mınıstrligi tereń uńǵymalardy ıgerý jáne burǵylaý tehnologııalary bóliminiń bastyǵy, Munaı jáne gaz basqarmasynyń bastyǵy boldy.
1993-2003 jyldary «QazaqTúrikMunaı» jaýapkershiligi shekteýli seriktestigi birikken kásiporynynyń bas dırektory, «QazMunaıGaz» ulttyq kompanııasy» jabyq aktsıonerlik qoǵamynyń teńiz jobalary jónindegi atqarýshy dırektory, «Qazmunaıteńiz» teńiz munaı kompanııasy» jabyq aktsıonerlik qoǵamynyń bas dırektory, «QazMunaıGaz» ulttyq kompanııasy» jabyq aktsıonerlik qoǵamynyń birikken kásiporyn úlesterin basqarý jónindegi basqarýshy dırektory, 2003-2007 jyldary QR Energetıka jáne mıneraldy resýrstar birinshi vıtse-mınıstri, mınıstri qyzmetterin atqarǵan.
2007-2012 jyldary Batys Qazaqstan oblysynyń ákimi, 2012 jyly QR Parlamenti Májilisi tóraǵasynyń orynbasary, 2012-2016 jyldary Atyraý oblysynyń ákimi, 2016 jyly QR Parlamenti Májilisi tóraǵasy boldy. 2016 jyly «Ardagerler uıymy» Respýblıkalyq qoǵamdyq birlestiginiń jetekshisi, 2016-2021 jyldary QR Parlamenti Májilisiniń VI shaqyrylymynyń depýtaty, Halyqaralyq ister, qorǵanys jáne qaýipsizdik komıtetiniń múshesi, 2021-2023 jyldary Astana qalasyndaǵy «Ardagerler keńesi» QB tóraǵasy, 2023-2026 jyldary VII shaqyrylymdaǵy QR Parlamenti Májilisiniń depýtaty, Halyqaralyq ister, qorǵanys jáne qaýipsizdik komıtetiniń múshesi boldy.
«Qurmet» ordenimen marapattalǵan.
Albert RAÝ, memleket qaıratkeri, ekonomıst
1960 jyly Qostanaı oblysynyń Taranov aýdanynda týǵan.
Rýdnyı ındýstrııa ınstıtýtyn, RF Prezıdenti janyndaǵy Reseı memlekettik qyzmet akademııasyn bitirgen.
1992-1993 jyldary Lısakov qalalyq keńesiniń tóraǵasy, 1993-1994 jyldary Lısakov qalalyq ákimshiligi basshysynyń orynbasary, 1994-2004 jyldary Lısakov qalalyq ákimshiliginiń basshysy, ákimi, 2004-2006 jyldary Qostanaı oblysy ákiminiń orynbasary, 2006-2007 jyldary «Saryarqa» ÁKK dırektorlar keńesiniń tóraǵasy, 2008-2010 jyldary Aqmola oblysynyń ákimi qyzmetterin atqarǵan.
2010-2014 jyldary QR Indýstrııa jáne jańa tehnologııalar mınıstrliginiń birinshi vıtse-mınıstri, 2014-2016 jyldary QR Investıtsııalar jáne damý mınıstriniń orynbasary, 2016-2017 jyldary QR Investıtsııalar jáne damý birinshi vıtse-mınıstri, 2017-2021 jyldary QR Parlamenti Májilisiniń depýtaty, Qarjy jáne bıýdjet komıtetiniń múshesi, 2023-2026 jyldary VIII saılanǵan QR Parlamenti Májilisiniń depýtaty, QR Parlamenti Májilisi tóraǵasynyń orynbasary qyzmetin atqarǵan.
ІІ dárejeli «Dostyq» ordenimen, ІІІ dárejeli Barys ordenimen, «Astanaǵa 10 jyl» mereıtoılyq medalimen marapattalǵan.
Erjan Ýaqasuly IBRAEV, «Ońtústik» óńirlik qolbasshylyǵynyń qolbasshysy
1978 jyly Semeı qalasynda týǵan.
1995 jyly Almaty joǵary áskerı ýchılışesin taktıkalyq motoatqyshtar áskerleriniń komandıri mamandyǵy boıynsha, 2009 jyly Ulttyq qorǵanys ýnıversıtetin Jedel-taktıkalyq basqarý (menedjment) mamandyǵy boıynsha, 2020 jyly Reseı Qarýly Kúshteri Bas shtabynyń Áskerı akademııasyn «Ulttyq qaýipsizdik jáne memlekettik qorǵanys» mamandyǵy boıynsha bitirgen.
Eńbek joly: leıtenanttan polkovnıkke deıin áskerı qyzmettiń barlyq deńgeıinen ótti – vzvod komandırinen áskerler qolbasshysynyń orynbasaryna deıin (1995-2017 jyldary) túrli laýazymdarda qyzmet etti.
2024 jyldyń qarasha aıynan bastap qazirgi qyzmetinde.
1-dárejeli «Otan soǵys» ordenimen, kóptegen medaldarmen marapattalǵan.
Rýstam ALBAEV, Qazaqstan Respýblıkasy Prezıdenti Іs basqarmasy Medıtsınalyq ortalyǵynyń basshysy
1978 jyly Aqmola oblysynyń Zerendi aýdanynda týǵan.
«Balalar hırýrgııasy» mamandyǵy boıynsha Aqmola memlekettik medıtsınalyq akademııasyn támamdaǵan.
Eńbek jolyn Zerendi aýdandyq aýrýhanasynda hırýrg bolyp bastaǵan. Ár jyldary Qazaqstannyń densaýlyq saqtaý júıesinde jaýapty jáne basshylyq laýazymdar atqarǵan.
Qazirgi qyzmetine 2025 jyldyń qazanynda taǵaıyndaldy.
«Densaýlyq saqtaý isiniń úzdigi» tósbelgisimen (2019), «Qazaqstan Táýelsizdigine 30 jyl» mereıtoılyq medalimen (2021) jáne «Eren eńbegi úshin» medalimen (2024) marapattalǵan.
Keńgirbaı Qońyruly SMAǴULOV, Ulytaý oblysy ákimi apparatynyń basshysy
1978 jyly Ulytaý aýdany, Qarakeńgir aýylynda týǵan.
O.A.Baıqońyrov atyndaǵy Jezqazǵan ýnıversıtetin «Óndiristi uıymdastyrý» mamandyǵy boıynsha (2000), O.A.Baıqońyrov atyndaǵy Jezqazǵan ýnıversıtetin «Quqyqtaný» mamandyǵy boıynsha bitirgen (2012).
Eńbek joly: 2000-2001 jyldary Jezqazǵan qalasy boıynsha salyq komıtetiniń salyq ınspektory, 2001-2002 jyldary Jezqazǵan qalalyq ekonomıka komıtetiniń kásipkerlik jáne tutyný naryǵyn damytý bóliminiń bas mamany, 2002-2004 jyldary Jezqazǵan qalasy qarjy-nesıe qatynastary, áleýmettik sala jáne kásipkerlik bóliminiń bas mamany, 2004-2005 jyldary Ekonomıka jáne kásipkerlikti damytý qalalyq komıtetiniń Jezqazǵan qalasy boıynsha bólim meńgerýshisi, 2005 jyly Jezqazǵan qalasy ákimi apparatynyń taldaý jumysy bóliminiń bas mamany, 2006 jyly «Jezqazǵan qalasynyń kásipkerlik bólimi» memlekettik mekemesiniń basshysy, 2006-2008 jyldary Jezqazǵan qalasy ákimi apparatynyń basshysy, 2008-2009 jyldary «Jezqazǵan qalasynyń kásipkerlik bólimi» memlekettik mekemesiniń basshysy, 2009-2010 jyldary «Jezqazǵan qalasynyń kásipkerlik jáne aýyl sharýashylyǵy bólimi» memlekettik mekemesiniń basshysy boldy.
2010-2013 jyldary «Jezqazǵan qalasynyń kásipkerlik bólimi» memlekettik mekemesiniń basshysy, 2012-2015 jyldary «Jezqazǵan qalasynyń ónerkásiptik kásipkerlik bólimi» memlekettik mekemesiniń basshysy, 2015-2020 jyldary «Jezqazǵan qalasynyń kásipkerlik jáne aýyl sharýashylyǵy bólimi» memlekettik mekemesiniń basshysy, 2020 jyly «Jezqazǵan qalasynyń turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi» memlekettik mekemesiniń basshysy, 2020-2022 jyldary «Nur Otan» partııasy Qaraǵandy oblystyq fılıaly Jezqazǵan qalalyq fılıaly tóraǵasynyń orynbasary, 2022 jyly «AMANAT» partııasy Jezqazǵan qalalyq fılıalynyń jaýapty hatshysy, 2022-2023 jyldary «Ulytaý oblysynyń eńbek ınspektsııasy jónindegi basqarmasy» memlekettik mekemesiniń basshysy, 2023-2024 jyldary Ulytaý oblysynyń qarjy basqarmasynyń basshysy bolyp qyzmet etti.
2024 jyldyń tamyzynan bastap qazirgi qyzmetinde.
Rýslan MUQANOV, Pavlodar oblysy ákimi apparatynyń basshysy
Pavlodar oblysynda týǵan.
2008 jyly Innovatsııalyq Eýrazııa ýnıversıtetin «Quqyq jáne ekonomıka negizderi» mamandyǵy boıynsha támamdaǵan.
Eńbek jolyn Lebıaji aýyldyq okrýgi ákimi apparatynyń jetekshi mamany bolyp bastaǵan. Ár jyldary Pavlodar qalasy ákimi apparatynda jáne Pavlodar oblysy ákimi apparatynda bas maman qyzmetterin atqardy.
2013-2023 jyldary memlekettik qyzmettiń túrli laýazymdarynda eńbek etti. Oblystyq din isteri basqarmasynda, Aqsý qalasynyń kásipkerlik jáne týrızm bóliminde qyzmet atqardy, Tereńkól aýdany ákimi apparatyna basshylyq etti, Aqqýly aýdany ákiminiń orynbasary, Aqsý qalasy ákimi apparatynyń basshysy, sondaı-aq Pavlodar oblysy ákimi apparatynyń hattamalyq-uıymdastyrý jáne aýmaqtyq jumys bóliminiń basshysy qyzmetterin atqardy. 2023-2026 jyldary Aqqýly aýdanynyń ákimi laýazymyn atqardy.
Qazirgi qyzmetine 2026 jyldyń shilde aıynda kiristi.
Erlan ÁBDIEV, qoǵam qaıratkeri, taý ınjeneri
1987 jyly Túrkistan oblysy, Kentaý qalasynda týǵan. Q.I.Sátbaev atyndaǵy Qazaq ulttyq tehnıkalyq ýnıversıtetin «Paıdaly qazbalar jerasty ken oryndaryn ıgerý» mamandyǵy boıynsha bitirgen (2010).
Eńbek joly: 2007-2009 jyldary «NPF Dank» JShS seısmıkalyq barlaý kezinde seısmolog, jarýshynyń kómekshisi, jarýshy, 2010-2012 jyldary Saıaq kenishi BKM PO «Qazaqmys Korporatsııasy» JShS tehnıkalyq bóliminiń jetekshi ınjeneri, 2016-2017 jyldary «DORSTROYTREST» JShS dızaıneri, 2017-2023 jyldary «Qazaqmys korporatsııasy» JShS taý-ken bóliminiń ınjener-konstrýktory, 2022-2023 jyldary Túrkistan oblysy ákimi apparatynyń múgedektik máseleleri jónindegi shtattan tys keńesshisi qyzmetin atqarǵan.
2023-2026 jyldary QR Parlamenti Májilisiniń depýtaty boldy.
Maǵaýııa ERMEKOV, qazaq ǵalymy, geologııa-mınerologııa ǵylymdarynyń doktory, professor, Qazaqstan Respýblıkasy Ulttyq Ǵylym akademııasynyń akademıgi, Aleksandr Skochınskıı atyndaǵy syılyqtyń ıegeri
1921 jyly Shyǵys Qazaqstan oblysynda týǵan.
Qazaq taý-ken ınstıtýtyn (qazirgi Qanysh Sátbaev atyndaǵy Qazaq Ulttyq tehnıkalyq ýnıversıteti), osy ınstıtýttyń aspırantýrasyn bitirgen.
1950-1958 jyldar aralyǵynda SSSR kómir ónerkásibi mınıstrliginiń Qaraǵandy qalasyndaǵy «Qazaqkómir geologııa» tresinde geolog, aǵa geolog, top jetekshisi qyzmetterin atqarady.
1958-1963 jyldar aralyǵynda SSSR kómir ónerkásibi mınıstrliginiń Qaraǵandy qalasyndaǵy Qazaqstan Ǵylym akademııasynyń hımııa-metallýrgııa ınstıtýtynda kafedra meńgerýshisi, 1963-1970 jyldar aralyǵynda SSSR kómir ónerkásibi mınıstrliginiń Qaraǵandy qalasyndaǵy Qazaq taý-ken qaýipsizdigi ǵylymı-zertteý ınstıtýtynyń aǵa ǵylymı qyzmetkeri, zerthana bastyǵy, 1970-1989 jyldar aralyǵynda Qaraǵandy polıtehnıkalyq ınstıtýtynyń (qazirgi Qaraǵandy memlekettik tehnıkalyq ýnıversıteti) geologııa kafedrasynyń meńgerýshisi qyzmetterin atqarǵan.
1989 jyldan Qaraǵandy memlekettik tehnıkalyq ýnıversıtetiniń professory boldy. Negizgi ǵylymı eńbekteri kómir alaptaryndaǵy gazdy qabattardy barlaý, onymen kúres júrgizý máselelerine arnalǵan. Qaraǵandy kómir basseıniniń gazdy qabattarynyń kartasyn jasaǵan.
2006 jyly qaıtys boldy.
