1 keliden astam esirtki alyp bara jatqan azamat ustaldy

Bul týraly búgin jýrnalıstermen bolǵan brıfıngte Astana qalalyq Іshki ister departamentiniń Qoǵamdyq qaýipsizdik basqarmasy bastyǵynyń orynbasary Qýantaı Ómirbekov málim etti.

Atalmysh azamatty Esirtki bıznesimen kúres basqarmasynyń qyzmetkerleri 22 qańtar kúni saǵat 11-50-ler shamasynda Saryarqa men Bógenbaı kósheleriniń qıylysynda qolǵa túsirgen. 1971 jyly týylǵan D. degen azamattyń jeke múlikterin tekserý barysynda 1,89 gramm geroın tabylǵan. Al onyń «Mersedes-Bents - 230» kóliginen 1 keli 390 gram geroın tabyldy.

Mol kólemdegi esirtki 20-22 qańtar aralyǵynda júrgizilgen «Quqyq tártibi» jedel-saýyqtyrý sharasynyń barysynda tabylǵan. Shara kezinde 3 esirtkimen baılanysty qylmys anyqtaldy.