1 qazannan bastap Ózbekstan shekarany ashatyn boldy
TAShKENT. ÓzA-QazAqparat - 2020 jyldyń 1 qazanynan bastap Ózbekstanǵa áýe, temirjol jáne avtomobıl baqylaý-ótkizý beketteri arqyly kirýge jáne shyǵýǵa ruqsat etildi, dep habarlaıdy QazAqparat ÓzA agenttigine silteme jasap.
Respýblıkalyq arnaıy komıssııanyń kezekti sheshimimen áýejaılarda, temirjol vokzaldary men shekara ótkizý beketterinde azamattardyń jáne kólik quraldarynyń júrýine qoıylatyn shekteýler jeńildetildi. Sondaı-aq 2020 jyldyń 1 qazanynan bastap qoldanystaǵy karantındik jáne sanıtarlyq-gıgıenalyq talaptardy qatań saqtaı otyryp, Ózbekstan Respýblıkasyna áýe, temirjol jáne avtomobıl pýnktteri arqyly ketýge ruqsat etildi.
Ózbekstanǵa keletin azamattarǵa qoıylatyn talap: 72 saǵat ishinde koronavırýsqa PTR test synamasynyń teris nátıjesi jóninde anyqtamasy bolýy kerek. Bolmaǵan jaǵadaıda shekaradaǵy (áýejaı, temirjol t.b) Ózbekstanǵa ótkennen keıingi aımaqta kelgen azamattyń óz qarajatynan PTR test synamasy nemese ekspress-test tekserisinen ótip, 14 kún merzimge qonaq úıge nemese úı jaǵdaıyndaǵy karantınge jatqyzylady.
