1 qazanda «Medeý» muz aıdyny ashylady
ALMATY. 28 qyrkúıek. QazAqparat /Názıra Eleýhan/ - Almatyda 1 qazan kúni saǵat 10.00 -da «Medeý» muz aıdyny ashylady.
Syrǵanaý maýsymynyń ashylýyna oraı, álemge áıgili muz aıdynynda bul kúni túrli qyzyqty oıyn-saýyq baǵdarlamalary daıyndalatyn bolady.
«Medeý» muz aıdyny burynǵy keste boıynsha, ıaǵnı beısenbiden jeksenbige deıin, saǵat 10.00-den 16.00-ge deıin jáne 18.00-den - 23.00-ge deıin jumys isteıdi.
Syrǵanaý úshin bılet quny: úlkender úshin - 1600 teńge, 7 - 12 jas aralyǵyndaǵy balalar úshin - 500 teńge, stýdentter men zeınetkerler úshin - 800 teńge turady, al, 7 jasqa deıingi balalarǵa kirý tegin.
«Medeý»muz aıdyny teńiz deńgeıinen 1691,2 metr bıiktikte ornalasqan. Ol 1972 jyly salyndy. Muz aıdynynyń alańy - 10,5 myń sharshy metr.
