1 qazanda marafonǵa baılanysty Almatydaǵy keı joldar jabylady

1 qazan tańǵy saǵat 7:00–den túski 13:30–ǵa deıin marafon ótetin jerlerde joldardaǵy qozǵalys ishinara jabylady.

Sportshylardyń qashyqtyqty júgirip ótý shamasyna qaraı joldar ashylyp otyrady. Marafonnyń sóresi men máresi Respýblıka alańynda bolady, sondyqtan 1 qazanda saǵat 7:00–den 13:30–ǵa Sátbaev kóshesi, Seıfýllın, ál-Farabı dańǵyly, Saın kóshesi, Abaı dańǵylynda kólik qozǵalysy ishinara shekteledi.

1 qazanda myna joldarda qozǵalys shekteledi:

— Nazarbaev dańǵylynda Sátbaev kóshesinen ál-Farabı dańǵylyna deıingi jol bóliginde saǵat 7:00-den 10:40-qa deıin qozǵalys tolyq jabylady. Balama jol Dostyq dańǵylynyń eki baǵytymen ótedi;

— Ál-Farabı dańǵylynda Nazarbaev dańǵylynan Shashkın kóshesine deıingi jol bóliginde saǵat 7:00-den 11:10-ǵa deıin qozǵalys ishinara jabylady, kósheniń ońtústik jaǵy kólik qozǵalysyna ashyq bolady. Shyǵys baǵytyndaǵy balama jol Abaı dańǵylymen ótedi;

— Ál-Farabı dańǵylynda Shashkın kóshesinen Saın kóshesine deıingi jol bóliginde saǵat 7:00-den 13:30-ǵa deıin qozǵalys ishinara jabylady, kósheniń ońtústik jaǵy kólik qozǵalysyna ashyq bolady;
— Saın kóshesinde ál-Farabı dańǵylynan Abaı dańǵylyna deıingi jol bóliginde saǵat 7:00-den 13:00-ge deıin qozǵalys ishinara jabylady, kósheniń batys jaǵy kólik qozǵalysyna ashyq bolady. Soltústik baǵytyndaǵy balama jol Baýyrjan Momyshuly kóshesimen ótedi;

— Abaı dańǵylynda Saın kóshesinen Baıtursynov kóshesine deıingi jol bóliginde saǵat 7:00-den 13:30-ǵa deıin deıin qozǵalys ishinara jabylady, dańǵyldyń soltústik jaǵy kólik qozǵalysyna ashyq bolady. Shyǵys baǵytta balama jol ál-Farabı dańǵyly, Tóle bı kóshesi, Qurmanǵazy kóshesi, Qabanbaı batyr kósheleriniń boıy;

— Baıtursynov kóshesinde Abaı dańǵylynan Sátbaev kóshesine deıingi jol bóliginde saǵat 7:00-den 14:00-ge deıin qozǵalys tolyq jabylady. Balama jol Baızaqov kóshesimen ótedi;

— Sátbaev kóshesinde Baıtursynov kóshesinen Jeltoqsan kóshesine deıingi jol bóliginde saǵat 7:00-den 13:30-ǵa deıin qozǵalys tolyq jabylady. Balama jol batys baǵytta Abaı dańǵylymen, shyǵys baǵytta Qurmanǵazy kóshesimen ótedi;

— Sátbaev kóshesinde Baızaqov kóshesinen Baıtursynov kóshesine deıingi jol bóliginde saǵat 7:00-den 10:35-ke deıin qozǵalys tolyq jabylady;

— Shashkın kóshesinde ál-Farabı dańǵylynan Tımırıazev kóshesine deıingi jol bóliginde saǵat 7:00-den 10:35-ke deıin jabylady. Balama jol Markov kóshesimen ótedi;

— Tımırıazev kóshesinde Shashkın kóshesinen Baızaqov kóshesine deıingi jol bóliginde saǵat 7:00-den 10:35-ke deıin qozǵalys tolyq jabylady. Balama jol batys baǵytta Abaı dańǵylymen, shyǵys baǵytta ál-Farabı dańǵylymen ótedi;

— Baızaqov kóshesinde Tımırıazev kóshesinen Sátbaev kóshesine deıingi jol bóliginde saǵat 7:00-den 10:35-ke deıin qozǵalys jabylady. Balama jol soltústik baǵytta Áýezov kóshesimen, ońtústik baǵytta Manas kóshesimen ótedi.

Sonymen qatar uıymdastyrý komıteti Respýblıka alańyna avtokólikpen jetý baǵytyn usyndy:

— Jeltoqsan kóshesiniń boıymen ońtústikke qaraı Sátbaev kóshesine deıin;Sátbaev kóshesiniń boıymen batysqa qaraı Nazarbaev dańǵylyna deıin;

— Nazarbaev dańǵylynyń boıymen ońtústikke qaraı Sátbaev kóshesine deıin;

— Ál-Farabı dańǵylynyń ońtústik jaǵymen Nurly Taýǵa deıin kólikpen jetip, Alańǵa deıin jaıaý barý;

— Abaı dańǵylynyń boıymen batysqa qaraı Jeltoqsan kóshesine deıin;

— Shevchenko jáne Qurmanǵazy kósheleriniń boıymen Jeltoqsan kóshesine deıin;

— Metromen «Abaı» stantsııasyna deıin;

Esterińizge sala keteıik, 1 qazandajyl saıynǵy eń iri júgirý jarysy – «Almaty marafony» ótedi. Oǵan álemniń túkpir-túkpirinen 15 myńnan astam sportshy qatysady.