1 qarashadan bastap Qashaǵanda óndiris toqtaı ma – Sátqalıev jaýap berdi

Energetıka mınıstri Almasadam Sátqalıev 1 qarashadan bastap Qashaǵanda óndiris toqtaýy múmkin degen aqparatqa pikir bildirdi, dep habarlaıdy Kazinform.

«Birneshe aspekt bar. Energetıka mınıstrligi baǵytynda konsortsıýmmen (North Caspian Operating Company) arada jalǵasyp jatqan daý ekologııalyq shyǵaryndylarǵa qatysty emes. Bul — merdigerdiń ónimdi bólý jáne shyǵyndylardy esepke alý týraly kelisimniń sharttaryn oryndaýyna baılanysty taza kommertsııalyq daý. San márte pikir bildirdim. Ol jerde shym-shytyryq protsess júrip jatyr. Jalpy aldyn ala nátıjesi belgili bola salysymen kópshilikke aqparat beremiz», — dedi mınıstr BAQ ókilderine arnalǵan baspasóz máslıhatynda.

Onyń atap ótýinshe, qorshaǵan ortany qorǵaý baǵytynda Qashaǵan ken ornynda kúkirt saqtaýǵa baılanysty daý júrip jatyr.

«Sottardyń tıisti sheshimi bar. Ken ornyndaǵy jumystyń toqtaýyna alyp keletin eshqandaı faktor joq. Onyń ústinde memlekettik organdar tarapynan da jumysqa kedergi kórip turǵanym joq», — dedi Almasadam Sátqalıev.