1 qarasha kúni Qazaqstannyń birqatar aımaqtarynda jaýyn-shashyn kútilýde
ASTANA. 31 qazan. QazAqparat - Qazaqstan aýmaǵynyń basym bóliginde aýa raıy turaqsyz bolady dep kútilýde, keı jerlerde jaýyn-shashyn jaýady, respýblıkanyń batysy, soltústik-batysy jáne soltústiginiń basym bóliginde jaýyn-shashyn kútilýde, jel kúsheıedi, jekelegen aýdandarda tuman túsedi. Bul týraly «Qazgıdromet» RMK-ǵa silteme jasap QR TJM baspasóz qyzmetinen habarlady.
Aqmola oblysynda jel 15-20 m/s-qa deıin kúsheıedi dep kútilýde, jel ekpini 28 m/s bolady. Soltústik Qazaqstan oblysynda, kúndiz Pavlodar oblysynda jel 15-22 m/s-qa deıin kúsheıedi dep boljanýda, keı jerlerde jel ekpini 25-28 m/s-qa jetedi. Qostanaı oblysynda jel 15-20 m/s-qa deıin kúsheıedi, keı jerlerde jel ekpini 25-28 m/s bolady, túnde jáne kúndiz jekelegen aýdandarda tuman túsedi. Atyraý, Mańǵystaý oblystarynyń birqatar aımaqtarynda tuman túsedi, kúndiz keı jerlerde 15-20 m/s jel soǵady. Jambyl, Shyǵys Qazaqstan oblystarynda keıbir aımaqtarda 15-20 m/s jel soǵady dep kútilýde, túnde jáne tańerteń tuman túsedi. Batys Qazaqstan, Qyzylorda oblystarynda kúndiz keı jerlerde 15-20 m/s jel soǵýy yqtımal. Almaty, Ońtústik Qazaqstan oblystarynda túnde tuman túsedi dep boljanýda.
Aldaǵy táýlikte Qazaqstannyń sý nysandarynyń basym bóliginde aıtarlyqtaı ózgerister kútilmeıdi.
