1 qarasha kúni aýa raıy qandaı bolady
NUR-SULTAN. QazAqparat - Sınoptıkter 1 qarasha kúngi aýa raıy boljamyn jarııalady, dep habarlaıdy QazAqparat «Qazgıdromet» RMK baspasóz qyzmetine silteme jasap.
Búkil Qazaqstan aýmaǵynda atmosferalyq fronttardyń ótýine baılanysty elimizde qubylmaly aýa raıy saqtalady. Keı jerlerde jańbyr men qar jaýady. Keı aımaqtarda jel kúsheıip, tuman túsedi. Soltústik-batys jáne soltústikte kóktaıǵaq bolsa, soltústikte - jaıaý burqasyn, ońtústikte - naızaǵaı kútiledi.
Soltústik Qazaqstan, Aqmola, Qostanaı oblystarynda jel 15-20 m/s deıin kúsheıedi.
Osy kúni kúndiz Soltústik Qazaqstan, Aqmola oblystarynda jel ekpini 23-28 m/s jetedi. Keı jerlerde tuman túsip, kóktaıǵaq bolady. Jaıaý burqasyn kútiledi.
Pavlodar oblysynda tańerteń jáne kúndiz jel ekpini sekýndyna 25 metrge deıin kúsheıedi.
Shyǵys Qazaqstan, Qaraǵandy, túnde Aqtóbe oblystarynyń keı jerlerinde jel qarqyny - 15-20 m/s.
Qaraǵandy oblysynda tuman túsedi.
Túrkistan oblysynyń keı jerlerinde naızaǵaı jarqyldaıdy. Jel sekýndyna 15-20 metr jyldamdyqpen esedi.
Batys Qazaqstan, Jambyl oblystarynyń keı jerlerinde tuman túsedi.
