1 qarasha. Kazinform kúntizbesi. Tulǵalar týǵan kún
Búgin, 1 qarasha kúni tulǵalardan kimder dúnıege kelgen? Kazinform oqyrmandaryna esimder kúntizbesin usynady.
Ámirjan NÁBIEV, Almaty qalalyq máslıhatynyń depýtaty
1973 jyly Almatyda týǵan. Ál-Farabı atyndaǵy Qazaq memlekettik ýnıversıtetin psıhologııa mamandyǵy boıynsha bitirgen (1995); Ál-Farabı atyndaǵy Qazaq ulttyq ýnıversıtetiniń quqyqtaný mamandyǵy boıynsha zań magıstri (2017).
Eńbek joly: «AMZ» AQ marketıng jáne menedjment departamentiniń dırektory (1999); «Almatyteplokommýnenergo» AQ dırektorlar keńesiniń tóraǵasy (2009-2010); «Atrıks-Stroı» JShS qurylys kompanııasynyń basshysy (2002); Almaty qalalyq máslıhatynyń 5-shi shaqyrylym depýtaty (2014-2016); Almaty qalalyq máslıhatynyń 6-shy shaqyrylym depýtaty, Eńbek, jumyspen qamtý jáne kólikti damytý jónindegi turaqty komıssııa tóraǵasynyń orynbasary (2016-2021); Almaty qalalyq máslıhatynyń 7-shi shaqyrylym depýtaty (2021-2023), Almaty máslıhatynyń 8-shi shaqyrylym depýtaty (2023 jyldyń naýryz aıynan bastap).
«Qurmet» ordenimen jáne mereıtoılyq medaldarmen marapattalǵan.
Saparǵalı JUMAǴULOV, Shymkent qalasy jáne Túrkistan oblysy boıynsha QAJ departamentiniń bastyǵy
1984 jyly Ońtústik Qazaqstan oblysy Saryaǵash aýdanynda dúnıege kelgen.
Eńbek joly: ICh-167/10 mekemesinde, keıin ICh - 167/2 mekemesinde sottalǵandardyń eńbegin uıymdastyrý jónindegi ınspektor qyzmetin atqardy (2009-2011); ICh-167/2 mekemesiniń sottalǵandar arasyndaǵy tárbıe jumysy bóliminiń jasaq bastyǵy (2011-2013); mekemeniń jedel bóliminiń jedel ýákili (2013-2014); birqatar basshylyq qyzmetterdi atqardy (2014-2021); ICh-167/3 ortasha qaýipsizdik mekemesiniń bastyǵy (2021-2025).
Qazirgi laýazymyn atqarýǵa 2025 jylǵy qańtarda kiristi.
Murat BAIMAHANOV, Qazaqstan Respýblıkasy Ulttyq ǵylym akademııasynyń akademıgi, Qazaqstan Respýblıkasy Tabıǵı ǵylymdar akademııasynyń akademıgi, zań ǵylymynyń uıymdastyrýshysy, teoretıgi, Sh.Ýálıhanov atyndaǵy syılyqtyń laýreaty
1933 jyly Almaty qalasynda týǵan. Máskeý Memlekettik ýnıversıtetin bitirgen.
Eńbek joly: 1962-1992 jyldary Fılosofııa jáne quqyq ınstıtýtynyń (Memleket jáne quqyq ınstıtýty) ǵylymı qyzmetkeri, ǵylymı hatshysy, bólim meńgerýshisi, dırektor orynbasary, Instıtýttyń dırektory bolyp eńbek etti. 1992-1995 jyldary QR Konstıtýtsııalyq sotynyń tóraǵasy, 1995-1996 jyldary «Qaınar» ýnıversıtetiniń prorektory, 1996 jyly «Ádilet» Joǵary quqyq mektebiniń ǵylymı jumys jónindegi prorektory, 1996-2002 jyldary «Qaınar» ýnıversıtetiniń prorektory, zań fakýltetiniń dekany qyzmetterin atqardy. 2005-2008 jyldary Qazaq memlekettik zań ýnıversıtetiniń memleket jáne quqyq teorııasy men tarıhy kafedrasynyń meńgerýshisi, 2008 jyldan Qazaq memlekettik zań ýnıversıtetiniń janyndaǵy Ǵylymı saraptama jáne taldaý ınstıtýtynyń dırektory boldy.
300-den astam ǵylymı eńbek jazǵan, sonyń 20-sy – monografııa. Qazaqstan Respýblıkasynyń Konstıtýtsııasyn, memlekettik basqarý organdary týraly zań jobasyn jazýǵa qatysqan. AQSh, Frantsııa, Brazılııa jáne basqa elderde ótken halyqaralyq kongresterde baıandama oqyǵan.
QazKSR Joǵarǵy keńesiniń medaldarymen, qurmet gramotalarymen marapattalǵan.
Bazarbaı JUMANIıAZOV, Qazaqstannyń halyq ártisi, eńbek sińirgen óner qaıratkeri, kórnekti kompozıtor
1936 jyly Batys Qazaqstan oblysynda týǵan. 1951-1955 jyldary Oral pedagogıkalyq ýchılışesinde, 1956-1958 jyldary Abaı atyndaǵy akademııalyq opera jáne balet teatrynyń janyndaǵy hor stýdııasynda bilim alǵan. 1965 jyly Almaty konservatorııasyn (qazirgi Qazaq ulttyq konservatorııasy) professor E.G.Brýsılovskıı klasy boıynsha bitirgen.
Eńbek joly: 1964-1965 jyldary «Qazaqfılm» kınostýdııasynda mýzykalyq redaktor, 1965-1966 jyldary «Mektep» baspasynda mýzyka redaktsııasynyń meńgerýshisi boldy. 1966-1973 jyldary Almaty konservatorııasynda pedagogıkalyq qyzmetpen shuǵyldandy, 1973-1984 jyldary Qazaqstan kompozıtorlar odaǵynyń ekinshi hatshysy, KSRO Kompozıtorlar odaǵy basqarmasynyń múshesi, 1984-1987 jyldary Qazaq akademııalyq opera jáne balet teatrynyń dırektory, 1991-1998 jyldary Kompozıtorlar odaǵynyń birinshi hatshysy qyzmetterin atqarǵan.
Tuńǵysh mýzykalyq shyǵarmasy – «Jer» (O.Súleımenov sózine) oratorııasy. Sondaı-aq onyń «Mahambet» operasy (1990 jyl), «Otan týraly kantata» (1972 jyl), «Eńbek dańqy» (1974 jyl), «Otan saltanaty» (1974 jyl), «Merekelik sherý» (1980 jyl), «Dostyq» (1980 jyl), «Keń baıtaq Otanym meniń» (1988 jyl) kantatalary; «Halqym týraly án» (1969 jyl), «Kek áni» (1978 jyl), «1731» atty vokaldy-sımfonııalyq poemalary; «Dala» (1976 jyl) sımfonııalyq kartınasy; «Qýanysh» (1980 jyl) sımfonııalyq kúıi; sımfonııalyq orkestrge arnalǵan eki sıýıtasy (1985, 1987 jyl); «Aıtys» (1972 jyl) atty vokaldy-horeografııalyq kompozıtsııasy, «Aqyrzaman jastary» (Abaı sózine, 1995 jyl), «Jambyl toıy - el toıy» (K. Salyqov sózine, 1996 jyl), «Jambyl - Qulmambet» (T. Moldaǵalıev, 1996 jyl) kantatalary jáne kóptegen ánderi men romanstary bar. Sazger 10 spektakl men 18 kınofılmge mýzyka jazdy. Ol 1970 jyly Oljas Súleımenovtiń «Adamǵa tabyn jer, endi!» atty poemasyna arnap jazǵan 5 bólimdi kantatasy úshin Búkilodaqtyq jastar odaǵy syılyǵynyń laýreaty atandy. 1986 jyly «Halyqtar dostyǵy» jáne 1999 jyly «Parasat» ordenimen marapattalǵan.
