1 qarasha. QazAqparat kúntizbesi
1 qarasha. BEISENBІ
Halyqaralyq vegan kúni (World Vegan Day)
Ol etsiz tamaq jeýshiler qaýymdastyǵynyń 60 jyldyq mereıtoıyna oraı 1994 jyldan bastap atap ótiledi.
Aljırdiń Ulttyq meıramy - Tóńkeris kúni (1954)
Aljır Halyq Demokratııalyq Respýblıkasy - Soltústik Afrıkada, Jerorta teńiziniń batysynda ornalasqan memleket. Batysynda Marokko, Batys Saharamen, ońtústiginde Nıgermen, shyǵysynda Lıvııa, Týnıspen shektesedi. Astanasy - Aljır qalasy. Resmı tili - arab tili. Aqsha birligi - dınar.
Antıgýa men Barbýdanyń Ulttyq meıramy - Táýelsizdik kúni (1981)
Antıgýa men Barbýda - Ortalyq Amerıkada ornalasqan memleket. Aýmaǵy Karıb teńiziniń shyǵys bóligindegi Kishi Antıl arhıpelagynyń Antıgýa, Barbýda jáne Redonda araldaryn qamtıdy. Astanasy - Sent-Djons qalasy. Memlekettik tili - aǵylshyn tili. Aqsha birligi - shyǵys karıb dollary.
ESTE QALAR OQIǴALAR
1992 jyly burynǵy Túrkistan áskerı okrýginiń 32-armııa bólimsheleriniń bazasynda Qazaqstanda tuńǵysh armııalyq korpýsy qurylyp, onyń shtaby Semeıge ornalastyryldy. Keıinnen onyń bazasynda Shyǵys áskerı okrýgi quryldy. Ol 2003 jylǵy 13 qarashada qazirgi «Shyǵys» óńirlik qolbasshylyǵy bolyp qaıta quryldy.
1993 jyly Qazaqstan Respýblıkasynyń altyn-valıýta qory týraly alǵashqy málimetter jarııalandy. Ulttyq bank pen qarjy organdarynda saqtalatyn altyn jáne sheteldik valıýta qory. Buǵan halyqaralyq valıýta-nesıe uıymdaryndaǵy altyn men sheteldik valıýta kiredi.
1997 jyly Ulanbatyrda Qazaqstannyń Mońǵolııadaǵy Elshiliginiń ashylý saltanaty ótti.
2011 jyly QR Prezıdenti Nursultan Nazarbaevqa Vetnam ulttyq ýnıversıtetiniń qurmetti doktory ataǵy berildi.
2012 jyly Tarazda Halyq qaharmany Ǵazız Baıtasovqa eskertkish taqta qoıyldy
2015 jyly Mılanda «EKSPO-2015-niń jabylý saltanaty kezinde Mılan Qazaqstan ókilderine kórmeni ótkizý estafetasyn tapsyrdy.
2017 jyly Qazaqstan Prezıdenti Nursultan Nazarbaev Iordanııa Koroli Abdalla ІІ Ben Ál-Hýseınge ıadrolyq qarýǵa qarsy kúreskeni úshin syılyǵyn berdi. «Men ıadrolyq qarýǵa qarsy kúreste erekshelengenderge arnalǵan arnaıy syılyq bekitken edim. Qazaqstan nómiri birinshi syılyqty Sizge tabystaý sheshimin qabyldady jáne men sáıkesinshe jarlyqqa qol qoıdym. Bul Sırııadaǵy, Iraktaǵy soǵys jaǵdaıynda halyqtardy jaqyndata túsetin bitimgershilik rólińizdi jalǵastyrýdaǵy eńbegińizdiń moıyndalýy. Sırııa jónindegi Astana protsesinde de Sizdiń elińiz zor rólge ıe. Osyny eskere kele arnaıy komıssııa bul syılyqty Sizge tabystap otyr. Ony Sizge tabys etý men úshin zor qurmet», - dedi Iordanııa Korolimen kezdesý barysynda Nursultan Nazarbaev.
2017 jyly ıÝNESKO bas dırektory Irına Bokovanyń sheshimimen Qazaqstannyń Almaty megapolısi ıÝNESKO Shyǵarmashylyq qalalary jelisiniń músheligine qabyldandy. Qazirgi kezde Jelide 72 eldiń 180 qalasy bar.
ıÝNESKO Shyǵarmashylyq qalalary jelisi shyǵarmashylyqqa ınvestıtsııa salýǵa daıyn qalalar arasynda halyqaralyq yntymaqtastyqty damytý maqsatynda qurylǵan.