1 qańtarynan bastap, jol-patrýldik qyzmetiniń mamandary kólik dóńgeleginiń sapasyn tekserýge quqyly

Óıtkeni, Keden odaǵyna múshe elder qabyldaǵan jańa tehnıkalyq reglamentke sáıkes, jańa jyldyń qańtarynan úsh el - Qazaqstan, Reseı jáne Belarýs elderinde turatyn kólik ıeleri kólikteriniń dońǵalaǵyn jyldyń maýsymyna (qys, jaz) baılanysty der kezinde aýystyryp turýǵa mindetti boldy.

Jol-kólik patrýldik qyzmeti mamandarynyń aıtýynsha, Keden odaǵynyń jańa tehnıkalyq regla¬menti boıynsha qys aılarynda - jazǵy dońǵalaqtardy, kerisinshe, jazdygúni «shegesi» bar qysqy dońǵalaqtardy paıdalanýǵa úzildi-kesildi tyıym salynyp, zań buzǵandar qatań túrde jazalanatyn boldy. Sondaı-aq, dońǵalaqtyń budyrynyń (pro¬tektory) qanshalyqty qalǵandyǵyna baılanysty shekteý qoıylmaq. Mysaly, jazǵy dońǵalaqtyń bu¬dyrynyń tereńdigi kem degende - 1,6, al qysqy dońǵalaqtyń budyry 4 mıllımetr bolýy tıis. Dońǵalaq budyrynyń talapqa saı keletin-kelmeıtinin MAI qyzmetkeri bastapqyda kózben qarap, anyq¬taıdy. Eger kólik júrgizýshisi jol-patrýldik qyzmeti ma¬manynyń pikirimen kelispegen jaǵdaıda, dońǵalaq budyrynyń tereńdigin qarapaıym tásil - kádýilgi syz¬ǵyshpen ólshep, dá¬leldeýge bolady. Jalpy alǵanda, kólik dońǵalaǵynyń maýsymǵa sáıkes kelmeýi kóliktiń tehnıkalyq talap¬qa saı kelmeı¬tindigin kórsetedi.