1 qańtardan járdemaqylar men zeınetaqy ósedi

ASTANA. KAZINFORM – 1 qańtardan járdemaqylar men bazalyq zeınetaqy 6 paıyzǵa artady. Bul týraly Úkimette ótip jatqan brıfıngte Premer-Mınıstrdiń orynbasary – Ulttyq ekonomıka mınıstri Nurlan Baıbazarov aıtty.

- Memlekettiń barlyq áleýmettik mindettemeleri oryndalýda jáne tolyq kólemde oryndalatyn bolady. Bul úkimettiń basym baǵyttarynyń biri. Osy jyldyń qańtar aıynan bastap ınflıatsııa deńgeıin eskere otyryp, barlyq zeınetaq men járdemaqyny ındeksteý júzege asyrylady. Járdemaqylar men bazalyq zeınetaqy - 7 paıyzǵa, ortaq zeınetaqy - 9 paıyzǵa. 2025 jyldyń 1 qańtarynan bastap ortaq zeınetaqy 8,5 paıyzǵa áleýmettik járdemaqylar men bazalyq zeınetaqy 6 paıyzǵa jyl saıynǵy ındeksteý júzege asyrylady, - dedi Nurlan Baıbazarov.

Onyń atap ótýinshe, Memleket basshysynyń tapsyrmasy boıynsha bazalyq zeınetaqynyń mólsherin kezeń-kezeńimen ósirý jalǵasýda. 2025 jylǵa arnalǵan respýblıkalyq bıýdjette áleýmettik tólemderdiń 42 túrine 6 trln teńgeden astam somaǵa shyǵystar kózdelgen. 2024 jylmen salystyrǵanda ósim 12,5 paıyzdy quraıdy.

Eske salsaq, buǵan deıin Ulttyq ekonomıka mınıstri Nurlan Baıbazarov teńgeniń álsireýiniń 3 faktoryn atady.

Sonymen qatar aldaǵy aqpanda turaqtandyrý qorlarynan kókónister naryqqa shyǵaryla bastaıtynyn jetkizdi.