1 qańtardan ýchaskelik qyzmet mamandarynyń jalaqysy 40 paıyzǵa deıin artady - Joldaý
ASTANA. KAZINFORM – Jalpy praktıka dárigerleriniń ókilettigin keńeıtip, bul júıeni qarjylandyrý kólemin kezeń-kezeńimen ulǵaıtý mańyzdy. Bul týraly Qazaqstan halqyna Joldaýyn jarııalaý kezinde Prezıdent Qasym-Jomart málim etti.
- Sondaı-aq biz alǵashqy medıtsınalyq-sanıtarlyq kómek júıesin jańǵyrtý isine erekshe mán beremiz. Osy turǵydan alǵanda, jalpy praktıka dárigerleriniń ókilettigin keńeıtip, bul júıeni qarjylandyrý kólemin kezeń-kezeńimen ulǵaıtý mańyzdy. Úkimetke keler jyldyń 1 qańtarynan bastap osy baǵytta jumys isteıtin ýchaskelik qyzmet mamandarynyń jalaqysyn úzdiksiz eńbek ótiline qaraı 40 paıyzǵa deıin arttyrýdy tapsyramyn. Bul 77 myńnan astam mamannyń tabysyn ósirýge múmkindik beredi, - dedi Qasym-Jomart Toqaev.
Buǵan deıin Prezıdent Qasym-Jomart Toqaev Quryltaı otyrysynda «Jańa tarıhı kezeńdegi Qazaqstannyń ózekti mindetteri» atty Joldaýyn jarııalap jatqanyn jazǵan edik.
