13:08, 09 Jeltoqsan 2022 | GMT +6
1 qańtardan eń tómengi jalaqy 70 myń teńgege kóteriledi
ASTANA. QazAqparat – 2023 jyldyń 1 qańtarynan bastap eń tómengi jalaqy 70 myń teńge bolady, dep habarlaıdy QazAqparat tilshisi.
Májilis depýtattarynyń saýalyna jaýap bergen Premer-Mınıstr Álıhan Smaıylov bıyl respýblıkadaǵy eń tómengi jalaqy 60 myń teńgege jetkenin atap ótedi.
«Bul 1,7 mln jaldamaly jumysshynyń aqshalaı kirisiniń artýyna oń yqpalyn tıgizgen bolatyn. Osy jyly áleýmettik tólemderge eki márte ındeksatsııa jasalyp, 4,1 mln adam qamtyldy. Onyń ishinde 2,2 mln zeınetker bar.
2023 jyldyń 1 qańtarynan bastap eń tómengi jalaqy mólsheri 70 myń teńgege deıin qosymsha arttyrylatyn bolady», - dedi Úkimet basshysy jaýabynda.
