1 qańtardan bastap jobalar saraptamasy jańa tsıfrlyq portalǵa ótedi
ASTANA. KAZINFORM — 2026 jylǵy 1 qańtardan bastap jobalardy ázirleý jáne saraptamadan ótkizý úderisin «bir tereze» qaǵıdasy boıynsha uıymdastyrýǵa arnalǵan jańa portaly iske qosylyp, qoldanystaǵy epsd.kz portalynyń ornyna engiziledi. Bul týraly Ónerkásip jáne qurylys mınıstrliginiń baspasóz qyzmeti habarlady.
Jańa Portal qurylys salasyndaǵy barlyq qatysýshyny tapsyrys berýshilerdi, salalyq retteýshilerdi, jobalaý jáne saraptama uıymdaryn biryńǵaı tsıfrlyq ortada biriktirýge baǵyttalǵan.
— Platforma jobalaý kezeńinen bastap qatysýshylardyń birlesken jumysyn qamtamasyz etip, qurylys nysanynyń tolyq tsıfrlyq ómirlik tsıklyn qalyptastyrady.
2025 jylǵy 31 jeltoqsanǵa deıin saraptamaǵa usynylǵan jobalar boıynsha barlyq rásimder qoldanystaǵy epsd.kz portalynda aıaqtalady, — delingen mınıstrlik habarlamasynda.
Kelesi jyldan bastap keshendi qala qurylysy saraptamasy men keshendi vedomstvodan tys saraptama, sondaı-aq qurylys jobalarynyń memlekettik bankiniń ótinimderi tek jańa portal arqyly qabyldanatyn bolady.
«Memsaraptama» RMK jańa tsıfrlyq platformaǵa kezeń-kezeńimen kóshý maqsatynda, paıdalanýshylardy oqytýǵa jáne naryq qatysýshylaryn jańa portaldyń quraldaryna beıimdeýge baǵyttalǵan oqytý is-sharalaryn josparlap otyr.
Aıta ketelik qurylys salasyndaǵy barlyq qyzmet «bir tereze» qaǵıdaty boıynsha atqarylady.