1 qańtardan bastap uıaly telefondar jappaı óshirilmeıdi - Aqparat mınıstrligi
ASTANA. QazAqparat - Elimizdegi uıaly telefondardyń 80 paıyzy IMEI-kody boıynsha tirkeýden ótti, dep habarlaıdy QazAqparat tilshisi.
«Qazirgi tańda barlyq uıaly baılanys operatorlarynyń jelilerinde tirkelgen abonentterdiń sany jalpy kórsetkishtiń 80 paıyzynan asyp jatyr. Barlyq abonentterimiz úshin bul rásimdi eń ońaı jáne qolaıly tásildermen júrgizý úshin barynsha jaǵdaı jasadyq. Eń ońaı jáne eń qolaıly ádis-amal «Aktıv» jáne «Ksell» jelilerinde. ıAǵnı, 6006 degen qysqa nómirine SMS-habarlama joldaý arqyly telefondy tirkeýge bolady. Nemese telefonyńyzda juldyzsha - 660 - tor qysqa nómirine qońyraý shalyp, berilgen nusqaýlar boıynsha óz nómirlerińizdi tirkeýge bolady. Eger bul abonentter shetelde bolatyn bolsa, olar vatsap, telegram qosymshalaryndaǵy arnaıy arnalar arqyly nómirlerin tirkeı alady», - deıdi «Ksell» AQ memlekettik organdarmen jumys atqarý baǵytyndaǵy sarapshysy Aslan Abjaqov OKQ-da ótken baspasóz máslıhatynda.
Óz kezeginde QR Aqparat jáne kommýnıkatsııalar mınıstrligi telekommýnıkatsııa komıteti tóraǵasynyń mindetin atqarýshy Vıtalıı ıAroshenko 1 qańtardan bastap qurylǵylar (uıaly telefondar) jappaı óshirilmeıtinin atap ótti.
«Abonenttik qurylǵylardy jappaı óshirý degen bizdiń erejede de qarastyrylmaǵan. 1 qańtarda - abonenttik qurylǵyǵa qoıylǵan sım-kartany avtomatty túrde tirkeý júrgiziledi. Ol ýaqytqa deıin qoldanýshy ózi týraly málimetti tolyqqandy etip alýǵa múmkindik bar. Al jańa jyldan keıin belgili bir málimetti ózgertý sizge qıynǵa túsýi múmkin. Sebebi, kóp adamdar sım-kartany satyp alyp, óz atyna tirkemegen», - deıdi ol.
Vıtalıı ıAroshenkonyń aıtýyna qaraǵanda, adamdar áli kúnge deıin tirkelmegen sım-kartamen júr.
«Biraq, 1 qańtardan bastap sım-kartalardyń bári de qurylǵylarǵa baılanystyrylady. Mine, sondyqtan uıaly baılanys operatorlary qazirgi tańda ózi qyzmet kórsetetin qoldanýshylardyń málimetter bazasyn jańartyp jatyr», - dedi ol.
