1 qańtardan bastap óńirlik ıpotekalardyń bastapqy jarna sertıfıkaty 2,5 mln teńgege ósedi

ASTANA. KAZINFORM – Eńbek jáne halyqty áleýmettik qorǵaý mınıstrligi Májilis depýtatynyń saýalyna joldaǵan jaýapta ishki kóshi-qondy retteýge arnalǵan ıpotekalyq baǵdarlamaǵa ózgeris engiziletinin málim etti. 

– Aýyldyq eldi mekenderde turǵyn úı satyp alý úshin ekonomıkalyq mobıldik sertıfıkaty (budan ári –EMS) nemese oblystyq jáne aýdandyq mańyzy bar qalalarda turǵyn úı satyp alý kezinde ıpotekalyq turǵyn úı qaryzdary boıynsha bastapqy jarna engizildi. Bıylǵy turǵyn úı naryǵyn taldaý nátıjelerin eskere otyryp, onyń mólsheri 1 160 AEK-ten (1 160×3 932=4 mln 561 myń teńge – red.) 1 625 AEK-ke (1 625×4 325=7 mln 29 myń teńge – red.) deıin ulǵaıtyldy, - dep jazylǵan jaýapta.

Bul ózgeris 2026 jyldyń 1 qańtarynan bastap kúshine enedi.

– Engizilgen ózgerister Qazaqstan Respýblıkasy Parlamenti Senatynyń Tóraǵasy M.S. Áshimbaevtyń Soltústik Qazaqstan oblysyna jumys saparynyń qorytyndylary boıynsha berilgen tapsyrmalarmen de sáıkes keledi jáne 2026 jylǵy 1 qańtardan bastap kúshine enedi, - deıdi mınıstrliktegiler.

Buǵan deıin «Dıplommen aýylǵa» 1 paıyzdyq ıpotekalyq baǵdarlamasyna ótinimder qabyldaý bastalǵanyn jazǵan edik.