1 qańtardan bastap muǵalimder men tárbıeshilerdiń jalaqysy 25% ósti

ASTANA. QazAqparat - 2023 jylǵy 1 qańtardan bastap balabaqsha tárbıeshileri, mektep jáne kolledj muǵalimderiniń jalaqysy 25% ósti, dep habarlaıdy QazAqparat.

Memleket basshysynyń tapsyrmasy boıynsha 2020 jylǵy qańtardan bastap muǵalimderdiń jalaqysy jyl saıyn 25% kóterilip keledi.

Osylaısha, muǵalimderdiń jalaqysy qazirgi ýaqytta eki ese artty.

«El Prezıdentiniń qoldaýy arqasynda muǵalimderdiń jalaqysy jyl saıyn ósip keledi. Sonymen qatar olardyń jalaqysyna qosymsha tólemder belgilendi. Bul - biliktilik sanaty, magıstr dárejesi, pánderdi aǵylshyn tilinde júrgizý, dápter tekserý, synyp jetekshiligi, jańartylǵan mazmundaǵy jumys jáne tálimgerlik úshin qosymsha tólemder. Muǵalimderdiń jalaqysyn kóterý óz nátıjesin berip jatyr. Pedagog mamandyǵyna ýnıversıtettiń úzdik túlekteri men «Altyn belgi» ıegerleri kele bastady. Bul bolashaqta balalardyń oqýyna oń áserin tıgizedi», - dedi QR Oqý-aǵartý mınıstri Ǵanı Beısembaev.