1 qańtardan bastap, QR Ulttyq bankin qaıta qurý bastalady
NUR-SULTAN. QazAqparat - 2020 jyldyń 1 qańtarynan bastap, QR Ulttyq banki qaıta qurylady, dep habarlaıdy QazAqparat.
Atap aıtqanda, Ulttyq bankten jańa derbes qurylym - Qarjy naryǵyn retteý jáne damytý agenttigi bólinedi.
Ulttyq bank sekildi bul agenttik te QR Prezıdenti quzyrynda bolady.
Sonymen birge, Ulttyq banktiń bas keńsesi 2020 jyly elordaǵa kóshedi, al agenttik Almatyda qalady. Oǵan Ulttyq bank shtatynan 500 adam aýysady.
Aıta keteıik, 2019 jyldyń 18 jeltoqsanynda Prezıdent Jarlyǵymen QR Qarjy naryǵyn retteý jáne damytý agenttiginiń tóraǵasy qyzmetine Mádına Ábilqasymova taǵaıyndaldy.
