1 qańtardan bastap Qazaqstanda áleýmettik járdemaqylar kólemi ózgeredi
Atap aıtqanda, jalpy múgedektik boıynsha áleýmettik tólem topqa baılanysty 32 431-59 872 teńge aralyǵynda tólenedi.
Tórt nemese odan da kóp kámelettik jasqa tolmaǵan jáne kúndizgi bólimde oqıtyn 23 jasqa deıingi stýdent balalary bar otbasylarǵa áleýmettik járdemaqy tabys kóleminen tys beriledi: tórt bala úshin - 42 496 teńge, bes balaǵa - 53 127 teńge, alty balaǵa - 63 757 teńge, jeti jáne odan da kóp balalar úshin - 74 388 teńge tólenedi.
Asyraýshysynan aırylǵandarǵa beriletin járdemaqy adam sanyna baılanysty 26 818 teńgeden 65 797 teńgege deıin bolady. Ata-anasynan aıyrylǵan balalardyń árqaısysyna 36 796 teńgeden beriledi.
Bala týýyna baılanysty beriletin birjolǵy járdemaqy: birinshi, ekinshi jáne úshinshi balaǵa - 100 776 teńgege deıin, tórtinshi bala úshin - 167 076 teńgege deıin beriledi.
Jumys istemeıtin áıelderge bir jasqa deıingi bala kútimi úshin aı saıyn birinshi balaǵa - 15 276 teńge, ekinshi balaǵa - 18 061 teńge, úshinshi balaǵa - 20 819 teńge, tórtinshi balaǵa - 23 603 teńge járdemaqy beriledi.
«Altyn alqa», «Kúmis alqa» alqalary bar nemese buryn «Batyr ana» ataǵyna ıe bolǵan, I jáne II dárejeli «Ana dańqy» ordenderimen marapattalǵan kóp balaly analarǵa aı saıyn 16 973 teńge memlekettik járdemaqy beriledi. Múgedek balany tárbıelep otyrǵan anasyna nemese ákesine, asyrap alýshysyna, qamqorshysyna 2020 jyldyń 1 qańtarynan bastap kámeletke tolǵansha 43 657 teńge beriledi. Osyndaı mólsherdegi járdemaqy birinshi toptaǵy múgedek balany kútý boıynsha da tólenedi.
