1 qańtardan bastap iKOMEK109 arqyly ótinish qabyldaý toqtatylady
ASTANA. KAZINFORM — Astana qalasynyń tsıfrlyq servısterin jańǵyrtý aıasynda 2026 jylǵy 1 qańtardan bastap iKOMEK109 qoldanystaǵy mobıldi qosymshasy arqyly ótinishterdi qabyldaý ýaqytsha toqtatylady.
- Jańartylǵan mobıldi qosymsha iske qosylǵanǵa deıin turǵyndar men qala qonaqtary óz ótinishterin balama arnalar arqyly joldaı alady. Atap aıtqanda, ótinishterdi iKOMEK109 Telegram chat-boty arqyly, 109 nómiri boıynsha baılanys ortalyǵyna habarlasyp (qalalyq jáne uıaly telefondardan), Astana qalasy ákimdiginiń resmı saıty — www.gov.kz, 109@ikomekastana.kz elektrondyq poshtasy, sondaı-aq iKOMEK109-tyń Facebook jáne Instagram áleýmettik jelilerindegi resmı paraqshalary arqyly jiberýge bolady, - delingen aqparatta.
Astana qalasy ákimdiginiń monıtorıng jáne jedel áreket etý ortalyǵy ýaqytsha qolaısyzdyqtarǵa baılanysty qala turǵyndary men qonaqtarynan túsinistik tanytýdy surap, keltirilgen qolaısyzdyqtar úshin keshirim surady.
Aıta keteıik, Astanada avtobýs aıaldamasyn búldirgen vandal 20 kúnge qamaldy.