1 qańtardan agrarıılerdi sýbsıdııalaýdyń Qoldau servısi jumysyn toqtatady
Atalǵan servıs qyzmetin toqtatý sýbsıdııalaýdyń biryńǵaı memlekettik aqparattyq júıesin iske qosýmen jáne Qoldau tsıfrlyq platformasynyń aldyna qoıylǵan jańa, aýqymdy mindettermen baılanysty.
«Sýbsıdııalaýdyń derekter bazasy qabyldaý-tapsyrý aktisi arqyly QR Aýyl sharýashylyǵy mınıstrligine berildi. Qarjy ınstıtýttary – agroónerkásip keshenin qarjylandyrý naryǵyna qatysýshylardyń ótinishi boıynsha olarǵa, sondaı-aq sýbsıdııalaý servısiniń tarıhı derekteri usynyldy. Bul sýbsıdııalaý salasynyń Biryńǵaı memlekettik aqparattyq júıesine (BMAJ) aýyrtpalyqsyz kóshýine kepildik beredi.
Al Qoldau platformasy memlekettik shekaradaǵy ótkizý beketterin tsıfrlandyrý, baǵalaý, aýdıtorlyq jáne býhgalterlik qyzmetti tsıfrlandyrý, memlekettik kirister organdarynyń monıtorıngi úshin astyqty qadaǵalaý salasy, bankrottyq rásimderin tsıfrlandyrý, memlekettik múlikti tıimdi paıdalaný monıtorıngi jáne el basshylyǵynyń tapsyrmalary sheńberinde basqa da aýqymdy jobalardy iske asyra otyryp, jumysyn jalǵastyra beredi», - delingen habarlamada.
Aıta keteıik, Qoldau sýbsıdııalaý servısi arqyly 2018 jyly pılottyq rejımde iske qosylǵan sátten bastap búginge deıin 700 mlrd teńgege jýyq sýbsıdııa tólendi (búgingi baǵam boıynsha 1,5 mlrd AQSh dollary). Sýbsıdııa alýshylardyń qatarynda 61 myńnan astam sharýa qojalyqtary men kompanııalar bar. Investıtsııalyq sýbsıdııalaý kólemi shamamen 312 mlrd teńgeni quraıdy. Qoldau servısi arqyly 95 mıllıardqa jýyq teńge úsh baǵyt boıynsha tólendi. Atap aıtqanda, kredıtter men lızıng boıynsha paıyzdyq mólsherlemeni sýbsıdııalaý, aýyl sharýashylyǵy ónimderin qaıta óńdeýdi qoldaý jáne agrarlyq sala kásiporyndaryn qarjylyq saýyqtyrý.
Qoldau sýbsıdııalaý servısi bıýdjet qarajatynsyz memlekettik-jekeshelik áriptestik negizinde jasalyp, engizildi. Osylaısha agroónerkásip keshenin sýbsıdııalaý ashyqtyǵy qamtamasyz etildi. Tsıfrlandyrýdyń bul jobasy quqyq qorǵaý organdaryna memlekettik qarjyny jymqyrý faktilerin anyqtaýǵa múmkindik berdi. Sebebi servıs tsıfrlandyrylǵan kez kelgen aralasýdy kórsetip otyrady. Osylaısha monıtorıng júrgizý kezinde fıskaldyq organdardyń jumysyn jeńildetti.
