1 qańtarda jer sharyndaǵy halyq sany 7,444 mlrd adamǵa jetedi
ASTANA. QazAqparat - Jer sharyndaǵy halyq 1 qańtarda 7 444 443 881 adamǵa jetpek. Beısenbi kúni AQSh sanaq bıýrosynyń mamandary osyndaı málimdeme jasady, dep habarlaıdy TASS.
Olardyń aıtýynsha, 1 qańtarǵa qaraı Jer sharyndaǵy adam sanynyń ósimi ótken jylmen salystyrǵanda 78,5 mln adamǵa kóbeıip, ósim 1,07 paıyzdy quramaq.
Sonymen birge olar 2018 jyly sekýndyna 4,3 ómirge kelip, 1,8 adam o dúnıelik bolǵany jaıly aıtty.
Buǵan deıin atalmysh bıýro 2050 jylǵa qaraı jer betindegi halyqtyń sany 9 mlrd adamǵa jetetini týraly boljam jasaǵan.
XI ǵasyrdyń basynda jer sharynda 310 mln adam ómir súrse, 1900 jyly bul kórsetkish 1,6 mlrd adamǵa jetken. 6 mıllıardyq meje 1999 jyly baǵyndyrylǵan bolatyn. 2011 jyly jer betindegi adamdar sany 7 mıllıardqa jetti.
