1 qańtarda Qazaqstandaǵy halyq sany 16 mln. 675 myń adamǵa jetti
ASTANA. 15 aqpan. QazAqparat - 2012 jylǵy 1 qańtarda Qazaqstandaǵy halyq sany aǵymdaǵy derekter boıynsha 16 mln. 675 myń adamdy qurady.
Bul týraly búgin Astanada ótken brıfıngte QR Statıstıka agenttiginiń tóraǵasy Álıhan Smaıylov málim etti.
«Onyń ishinde qala halqy - 9 mln. 144 myń (54,7 paıyzy), al aýyldyq jerlerde - 7 mln. 560 myń adamdy qurady. 2011 jyldyń basymen salystyrǵanda halyq sany 233 myń adamǵa nemese 1,4 paıyzǵa ósti», - dedi tóraǵa.
Ótken jyly AHAJ organdarynda 372 týǵan bala tirkeldi. Bul 2010 jylmen salystyrǵanda 1,6 paıyzǵa artyq. «Osy kezeń ishinde 191 myń er bala jáne 180 myń qyz bala dúnıege keldi. Jalpy 100 qyzǵa 106 uldan»,-dedi Á. Smaıylov.
Byltyrǵy 12 aıda ólim-jitim 144 myń adamdy qurady. Onyń ishinde 79,7 myńy - erler, 64,9 myńy - áıelder.
