1 qańtarda «Halyq býhgalteri» aktsııasy bastalady

ASTANA. KAZINFORM — 2026 jyldyń 1 qańtarynda salyqpen tikeleı jumys isteıtin mamandarǵa arnalǵan «Halyq býhgalteri» aktsııasy bastalady. Bul týraly Qarjy mınıstri Mádı Takıev Úkimet otyrysynda málim etti.

— Qarjy mınıstrligi kásipkerlerge kómektesý úshin 2026 jyldyń 1 qańtarynan bastap «Halyq býhgalteri» aktsııasyn iske qosady. Bıylǵy 19 jeltoqsanda býhgalterler qaýymdastyǵymen kezdesýde bizdiń bastamamyz qoldaý tapty, — dedi Mádı Takıev.

Aktsııa aıasynda resmı resýrstar arqyly onlaın-konsýltatsııalar berý kózdelgen. Sol úshin arnaıy Telegram-arna qurylady. Sondaı-aq, offlaın jáne onlaın formatta vebınarlar ótkizilmek. 

— Aktsııaǵa kásibı býhgalterler men aýdıtorlar, kásibı býhgalterlik birlestikterdiń ókilderi, aýmaqtyq memlekettik kirister organdarynyń mamandary tartylady. Aktsııany birinshi jartyjyldyq boıynda ótedi, — dedi Qarjy mınıstri.

Aıta keteıik, búgingi Úkimet otyrysynda mıkro jáne shaǵyn bıznesti qoldaý sharalaryn talqylanyp jatyr.