1 gramm altynnyń baǵasy qansha
ASTANA. KAZINFORM – Apta ishinde altyn baǵasy birshama arzandady.
Elimizdiń Ulttyq banki usynǵan derekterge sáıkes, 11 maýsymda 1 gramm altyn baǵasy 68 192,25 teńge boldy. Al osydan bir apta buryn baǵaly metalldyń 1 grammy 71 725,49 teńge bolǵan edi. Osylaısha, apta ishinde altyn baǵasy 3 533,24 teńgege arzandap otyr.
Álemdik naryqtaǵy altynnyń spot baǵasy bir troıa ýntsııasy 4 077,39 dollardy quraıdy.
Aıta keteıik, Týleın ýnıversıteti ǵalymdary altynnyń nege qaraımaıtynyn jáne ǵasyrlar boıy óziniń jarqyraýyn saqtaıtynyn anyqtaǵan bolatyn.
Buǵan deıin altynnyń qaraımaýy onyń ottegimen álsiz árekettesýine baılanysty dep eseptelip kelgen. Alaıda jańa zertteý metall betindegi atomdardyń ózdiginen qaıta ornalasyp, totyǵý yqtımaldyǵyn kúrt tómendetetin erekshe qorǵanys qabatyn túzetinin kórsetti.
Ǵalymdardyń aıtýynsha, atomdardyń mundaı qaıta qurylýy altynnyń ottegimen reaktsııaǵa túsýin mıllıardtaǵan, tipti trıllıondaǵan ese azaıtady. Dál osy mehanızm altyn buıymdardyń ondaǵan, tipti júzdegen jyl boıy bastapqy qalpyn saqtap turýyna múmkindik beredi.
