1 cáýirden bastap Atyraý stansasynda baratyn barlyq jolaýshylar poıyzy toqtatylady
ATYRAÝ. QazAqparat – 2020 jyldyń 1 sáýirinen bastap Atyraý stansasyna baratyn jáne odan shyǵatyn barlyq poıyzdarǵa bılet satý, jolaýshylardy otyrǵyzý jáne túsirýge tyıym salynady, dep habarlaıdy QazAqparat «Jolaýshylar tasymaly» AQ baspasóz qyzmetine silteme jasap.
31 naýryzdan bastap № 692/691 «Aqtóbe-Atyraý» poıyzynyń marshrýty Dossor stansasyna deıin qysqarady. 1 sáýirden bastap №313/314 «Atyraý-Mańǵystaý» jáne №47/48 «Atyraý-Býrabaı kýrorty» jolaýshylar poıyzy, 2 sáýirden bastap №41/42 «Atyraý-Shý» poıyzynyń qozǵalysy toqtatylady.
Buǵan deıin Atyraýǵa deıin jáne odan shyǵatyn poıyzdarǵa bılet alǵan jolaýshylar jol júrý qujattaryn qaıtaryp, aqshalaı qarajatty tolyqtaı ala alady.
«Eske salaıyq, Qazaqstanda 2020 jyldyń 16 naýryzynan bastap tótenshe jaǵdaı engizildi jáne osyǵan baılanysty jolaýshylardyń engizilgen shekteýlerge túsinistikpen qarap, koronavırýs ınfektsııasy taralýynyń aldyn alý boıynsha barlyq sharalardy saqtaýyn suraımyz», - delingen habarlamada.
