1 aı ishinde fýtbol klýbtaryn jekeshelendirýdiń jospar-kestesi ázirlenedi
ASTANA. KAZINFORM — Premer-mınıstr Oljas Bektenov Týrızm jáne sport mınıstrligine tez arada Almaty taý klasterin damytý josparyn jańartýdy jáne fýtbol klýbtaryn jekeshelendirýdiń jospar-kestesin ázirleýdi tapsyrdy.
— Memleket basshysy týrıstik obektilerde ınfraqurylymdy damytýdyń mańyzyn atap ótti. Bul — jergilikti atqarýshy organdardyń tikeleı jaýapkershiligi. Tez arada Almaty taý klasterin damytý josparyn jańartý qajet. Ulttyq ekonomıka mınıstrligi Týrızm jáne sport mınıstrligimen, Almaty qalasynyń ákimdigimen birlesip, bir apta merzimde Almaty taý klasterin damytý jónindegi keshendi jospardyń jobalaryn asa mańyzdy obektiler jáne jalpyulttyq mańyzy bar jobalar dep tanýy qajet. Osydan keıin Almaty taý klasterin damytýdyń keshendi jospary Respýblıkalyq bıýdjet komıssııasynyń qaraýyna engizilsin, — dedi ol Úkimet otyrysynda.
Sondaı-aq Bektenov vedomstvoǵa óńirlermen birlesip osy jyldyń 1 qazanyna deıin fýtbol klýbtaryn jekeshelendirýdiń jospar-kestesin ázirleýdi tapsyrdy.
Aıta keteıik, buǵan deıin Premer-mınıstr eldiń ekonomıka blogyna 10 naqty tapsyrma júktegen edi.